RVA Falam Service// October 4, 2026
Pope Leo XIV ih 2027 hrang ngamhnget ci mi ramleng khualtlawnnak cu Thlang Korea ram ah feh dingah a si thu theih a si. Cui khual tlawnak cu 2027 kum August thla 3-8 tiang tuah a si ding mi leitlun huap mino puai (World Youth Day) caanserh ah a feh ding a si.
France ram ihsin a tlunlai ih Vanzam par ah thuthangla tu pawl a simnak ah Pope in 2027 hranga mai khualtlawnak pehbet in tawlrel lai a si ko nan Soel khuapi ih tuah ding mi leitlun huap mino pawl ni khualtlawnak cu a tui caanah cun hngamhnget cia mi a si thu a rak sim.
2027 leitlun huap mino pawl ni cu thuanthu ih a tang ding mi pakhat khal a si. Ziangah tile Thlang Korea ram ah a hmaisabik leitlun mino pawl ni kha cohlangin tuah a si ih 1995 kum Philippines ram Manila khuapi ah tuah a si ih Asia ram ah avei hnihnak mino puai tuahnak khal a si.
Cui tlunah Christian biaknak cu mi mal sawn umnak ram ram khat khal a si. Cui khual tlawnnak cu thuanthu ah Pope in Thlang Korea ram ah a vei thumnak an tlawnnak a si. “Nitin kan nun ram ah Pathian ih thatnak kha hawl in hmuh tlang uh si.”
