RVA Falam Service// October 4, 2026

Vatican in zumnak thawn peh par mi zungpi (Dicastery for the Doctrine of the Faith) in zumnak thu kha theh darh nak thupit in ret mi Venite ad Me ti mi ca thar kha October thla lai ah suah an tum.

Ca ih thuhla khatheih a si ih ACI Prensa ah ngamhnget sak mi zungtin kim thawn pehpar mi thuthang thantu ih simnak ah hi mi catluan cu “Jesuh Khrih parih zumnak kha unai pawl hnen ziangtin kan theh darh thei ding ih diocese hmun tin ah ruatsal in reltlang theivdingah , , ton rero mi harsatnak pawl le tuah theinak caan tha thar pawl kha ruatsal in ti daan phunphun an rak lang ter” tiah an sim.

Venite ad Me cu Latin tongin ” ka hnenah ra uh” tin san a nei ih Pope Francis ih dilnak kha Pope Leo XIV in pehbet in a tuah ih Catholic kiangkap sungah thurel tlangnak le ruahsalnak pawl tamdeuh in cang dingah tumtah a si.

Thuthang latu pakhat in leitlun hmun tin ah zumnak kha karhzai ternak cu a har deuh deuh ruangah tui ni kan um daan dinhmun pawl ah midang pawl hnen ah zumnak kha ziangtivekin kan karhzai ding ti mi thusuhnak kha hi ca in a lang ter” tiah a rak sim.

Hi mi ca tuahsuaknak ah Vatican zung cu leitlun ih um mi Puithiam pawl Pawlkom pawl thawn ruahnak dil in an rel khawm ih cui Pawlkom ih zatek 70 in leh rul nak ah a rak tel thu theih a si.

Thuthang laknak in ” cui leitlun hmuntin ih hmuhnak pawl a tel ruangah ca cu zumnak thehdarhnak thawn pehpar mi phannak pawl le a bang aw lo mi dinhmun pawl kha a langter ih a kaih zet mi leitlun thawn peh par mi langnak pakhat a um” tiah a rak sim.

Hi thuthang EWTN News ih Spanish-language sister service a si mi ACI Prensa in a hmaisabik an rak than ih neta ah EWTN News English in an let ih an rak ngan suah mi a si.

Hi thuthang cu Catholic news agency in a remcang ding zawngin kan ngan mi a si.

October 3. 2026

Crd: Catholic News Agency