RVA Falam Service// October 4, 2026
Pope Leo XIV in 2026 kum October thla hrang thlacam tumtah mi cu thinlung lam hnatuan tu pawl hrangih nam hnget a si ih thinglunglam ih harhdam lo nak a tongtu pawl theidang lo in cohlang thei dingah an mai duh daan in thu then lo in an thu ngai sak dingah le kaihruai thei dingah Pawlpi hnen a rak forhfial.
Pope Leo XIV in 2026 October thla hrang a mai thlacam tumtah nak thawn “Pope thawn thlacam thlang uh si” tiah an rak suah. Cui Video cu Pope in leitlun thawn pehpar mi thlacam nak (Pope’s Worldwide Prayer Network) in an rak suah. Video ah Pope in Pawlpi cu ” on cia mi inn” pakhat vek ih cang dingah thla a rak cam.
Cui innah thinlung lam thawn pehpar mi harsatnak pawl tongtu pawl din hmun in cohlang dingah an mai sinak le ruahsannak pawl hmu thei dingah tumtah a si.
Thinlunglam natnak tuartu pawl le thinlunglam thei sangtu mifim pawl ih upa pawl, Pathian hnatuan tu pawl a si mi (St. Dymphna) ih zuk kai phah in Pope in minung pawl ih thinlung sungah le ” veikhat veihnih zo hman ih hmuh thei lo mi a dai mi tuar nak pawl” a thei tu ” Nunnak ih Pathian hnen ah thla a rak cam sak.
Tui ni thinlung lam thawn pehpar mi harsatnak pawl le abuai rero mi, thinphannak, beidon nak lole a dang thinlung lam thawn pehpar mi dam lonak ruangah mahte lawng harsatnak a tuar mi kan unau pawl kha kha Bawipai hmaiah keng uh si” tiah Pope in thla a rak cam.
Cuithlunah thinlung lam ih natnak tuartu pawl kha hua vekih hmuhnak le thleidang ih pehtlaihnak pawl tuahnak Christian dinhmun in veikhat hnih kan harsan nak pawl hrang khal ah ngaidam dingin a rak dil.
Pope in Pawlpi cu ” mitin hrang umnak a um mi, a humhim mi hmun ” si ter dingah thla a rak cam. Cui mi kiangkap cu zo hman hnong lo in kutkai aw in cangsuak in zohfelnak nei lem lawn an thu ngai sak in naiten um pi nak nei mi kiangkap si dingah a rak forhfial.
Thinlung lam harhdamnak kilhim ih a tel mi thiam hleice pawl, innsungsang pawl le duhsaknak thawn hnatuan tu pawl khal Pope in thla a rak cam sakih mina pawl hnen thazaang le zaangfah lainatnak pe dingah Pathian hnenah a rak dil sak.
Netabikah ” kan mai kiangkap naitu pawl thawn Pawlpi zate ih nunram le riantuannak sungah thinlung lam kilhimnak kha cohlangin kom thei dingah Bawipa ih thlarau thianghlim kha kan parah run thlah hram aw.
Cuitlunah zohman hnong lo in dinpi thiam thei mi Bawipa zaangfahnak ih nunnak a si mi tetti pawl si dingah tiah thla a rak cam.
Pope ih thlacamnak thumtah mi thawn suah mi thu an suahnak ah Leitlun hmun tin ih minung mipum 1 billion luan cu thinlunglam pehpar mi natnak pakhat khat thawn an um ih harhdamnak lam thawn pehpar mi leitlun thawn pehpar mi director Fr. Cristóbal in thinlung natnak a tuartu pawl tampi cu an mai harsatnak thu sim dingah a cang thei lo vekin midang pawl parih thubawhcatnak le theih sualnak pawl khal ton rero a si tiah a rak sim.
Cuiruangah Pawlpi dinhmun in hi thilcang mi kha thinlung Sangka on sakin cohlang thei dingah hmunkhat ah hi mi minung pawl hrang lawng silo in an mah a kaihruaitu pawl hrang khal ah tui thla pum hmun khat ten thlacam tlang uh si.” tiah a mah in a rak sim.
Hi mi thuthang Vatican thuthangin a tawi zawngin kan ngan mi a si.
Crd; Vatican News
