RVA Falam Service/ October 6, 2026
Angelus thlacamnak theh ah Pope in leitlun remdaihnak le lungrualnak hrang Rosary thlacam tlang dingah pehbet in a rak forh fial. Cuitlunah Aid to the Church in Need (ACN) ih nauhak million khat ih thianghlim Rosary thlacamnak caanserh ah a rak tel tu nauhak pawl thawn thlacam tlang ding khal ah a hleice in Holy Land hrang le tuahsuatnak ruangah sualnak nei lotu pawl ih nunnak cemnak pawl hrang thlacam sak tlang uh si” tiah Pope in a rak forhfial.
Ralbuainak in luat dingah thlacam tlang uh si ti si tiah Pope in Leitlun ram pawl ah remdaihnak din thei dingah le ralbuainak pawl cawl dingah a rak dil bet.
Kan dung rei lo te lai ah France ram Lourdes ih a feh lai khal ah Rosary thlacamnak in leitlun remdaihnak hrang thlacam dingah a rak forhfial vekin a tu khal ah pehbet in a rak sawm.
Cui hnuah Leitlun hmuntin ah ” nauhak million khat in Thianghlim Rosary camnak”caanserh ah a tel tu nauhak pawl kha a hleice in a lung a awi thu a rak sim.
“Leitlun ram pawl cu ralbuainak in luat dingah Bawinu Maria ih thlacam saknak kha dil tlangin an mai cawntlak mi kha thlun tlang uh si. Ahleice in hi Rosary thlacamnak caanserh kha October thla thokin Vatican ah tuah a si.
Hi thurel tlangnak cu a thlengaw mi tampi a cang rero mi tuisan ih Pawlpi ih aunak aw kha ngai dingah le innsungsang thu ah thazaang tha sal dingah ti daan pawl hawl dingah caantha pakhat ah a cang ding a si.
Pope in “Tuisan innsang pawl le mino pawl karlak ih Gospel thuthangtha kha ziangtin than dingih hmailam ah tuah ding mi tuah daan pawl kha hawl in langter dingah ti tikcu caan cu thleidang thiam mi Synodal tik cu caan pakhat a si ding.
Pathian ih bomnakin ruahsannak ih hminsinnak a si ih Pawlpi le minung pawlkom hrang a man khiah thei lo mi manhla zet a si mi innsang pawl hrangah a hleice thlacam sak dingah kan dil a tul a si tiah a rak sim.
St. Francis kha man salnak.
Cuihnuah Pope in cui ni Angelus thlacam hlanah ruah ding khal ah a rak lang ter vekin St.Francis Assisi kha zohthim dingah a rak sim bet.
St.Francis Assisi nunnka cemnak kum 800 kim hngilh lonak ih tuah mi caanserh pawl hrangah a lungawi thu a rak sim ih a hleice in Italy ram ih a sangbik mi dinhmun ih a cozah thunei tu pawl tel in Assisi khuapi ih hngilh lonak caanserh pawl kha a rak lang ter.
Hi mithuthang cu Vatican thuthangin kan ngan mi a si.
October 4, 2026
Crd: Vatican News
