RVA Falam Service// October 3, 2026
Pope Leo XIV in St. Dominic ih rak din mi Dominican Pawlkom (congregation) Contemplative Dominican Nuns ih Sister pawl kha tonnak a rak caan a rak hmang. Daite ih umnak thawn Pathian a hawl mi Dominican Sister pawl hnen Pope in daiteih Thlacamnak ih thupit zia thu a rak sim.
Pathian le kanmah ih pehtlaihnak ih thawthawtnak.
Pope in Pathian thu ruat phah in daite ih thlacamnak cu Pathian le kan mah pehtlaihnak ih thawthawtnak a si. Cu mi cu Pathian ih ttongkam cohlang dingah cui Pathian ttongkam thawngin kanmah kha thlengaw dingah daite in a um rero mi tikcu caan pakhat a si.
Cu mi ihsin Bawipa ah thilri pawl le minung pawl kha thuk deuh in hmuh thei a si ih kan mah ih kan hmuh ih kan theih mi pawl kha midang pawl thawn hlawm dingah a rak sim.
Leitlun hmuntin ih aiawhtu Sister pawl khal an rak tel.
Pope in Sister pawl hnen daite ih umnak ih manhlat zia kha a rak sim ih zalennak le thudik hawl theinak hmun sersiam dingah a rak forhfial.
Daite ih umnak sungah Pathian ih ttongkam ngainak.
Pope in daite ih umnak sungah ah minung pakhat ciar ih kan mah le kan mah kan suhawk ding mi thusuhnak pawl kha ngai thiam dingah Hna kan nei.
Cui thusuhnak pawl sang dingah a ol ringring lo.
Curuangah Sister pawl lak ah a ngaingai ih a thuk mi remdaihnak kha ngah thei mi oasis pawl vek a si mi hmun pawl kha tuahsak dingah a tul.
Cuihmun ah a lenglam ih a hnok zet mi buainak pawl a dai ih Pathian ih aw ngai a theih ding a si. “Nan mai Pawlpi hrang nan riannak cu a man hla tuk ” Netabikah Pope in harsatnak pawl le buainak pawl nan ton tik khal ah beidong lo dingah Sister pawl hnen a rak forhfial.
“Nan mah ih Pawlpi hrang rian nan tuannak cu man a nei tuk.
Cuiruangah zumnak famkim zetin pehpet in riantuan uh. Khat le khat lungrual nak le thuruah thiamnak in pehbet in um uh. Hmun khat ah nan um tlang ko nan ziang hmuahhmuah kha mitsingin thlun men lo in tuah theu mi daan hrampi pawl rinum zet in kilkhawi phah in ruahnak thar pawl hrangah khal on sak uh.
Nanmah pawl cu leilungpi kha Pathian ih hmaiah nan keng thei ruangah Pathian thuruat phah in daite umnak thawn thlacam tu nan si tiah a rak sim. Pope Leo XIV in a feh hlante ah Dominican Sister pawl pakhat ciar in Pawlpi hrangah a aiawh mi man a nei zet mi laksawng nan si nak ruangah ka lung a awi tiah a rak sim.
Hi mithuthangtha cu Catholic news Agency in kan ngan mi a si.
