Pope Leo XIV in Russia ralkap pawl ih Ukraine ram parih a nasa zet mi donak ruangah mawhnak neilo minung pawl nunnak cemnak le khuapi pawl le mipi pawl, inn pawl siatsuahnak ruangah a riahsiatnak thu a lang ter ih donak pawl cawl in cem ter dingah a rak dil.
Kan dung naite ah Russia ralkap pawl cu Ukraine ram par ih drone le bom pawl thawn pehcih in an donak ruangah minung tampi an nunnak a rak cem.
Nunnak cemtu tam sawn cu mipi pawl an si.
Russia lam ih donak pawl cu Ukraine ih ral lam thilri retnak hmun pawl lawng kha tumtah in an do tiah an sim nan an do theh hnuah mipi tampi umnak hmun a si mi khuapi pawl umnak, Inn sang pi pawl, bul inn pawl le mipi pawl ih thil phurhnak lampi pawl tampi an rak do ih a siat.
Zarhtin Angelus thlacamnak thehah riahsia zet in Pope in “kumtampi thin phannak le tihnak pawl lakah a um mi mipi pawl ih harsatnak ruangah ka thinlung cu a na tuk” tiah a rak sim.
Cuitlunah “donak pawl cem ter dingah, siatsuahnak pawl cawl dingah, rualremnak le remdaihnak hrang thinlung on sak dingah” ti mi a mai dilnak khal pehbet in thupit in a rak sim.
Himi thuthang cu Shalom world news in kan ngah mi a si.
Crd: Shalomworldnews
