September 4
Rose cu kum 1235 hrawngah Italy ram ih Viterbo ah a rak suak. A mah cu Pawlpi leiram a long tu Siangpahrang Frederick ih a rak lon caan ih mifarah zet mi a si. Rose in a hleice ih Pathian hna a rak tuan mi mission cu a khuapi pawl le khuapi kiangkap ih um mi pawl in Pope le Pawlpi an rinsannak hngetkhoh ter sinsin dingah a si.
Cu mi cu a kumhra luan hrawngah a rak tuan mi a si. A ngaingai ahcun Bawinui langnak a rak hmuh lai ah kumriat lawng a rak si lai. Bawinu in langnak a rak hmuh mi a rak sim mi cu St. Francis ih nuntuzia cu hnipuan vekih hruk dingah a si.
Rose hnenih a dang a sim bet mi cu a nuntuzia le a tongkam in zohthimtlak sinak hmuh ding hi a si. Rose cu a dam vivo ih Bawi Jesuh in kan mai hrangah ziang tluk in a tuar tile kan sualnak ruangah ziangtluk in Bawi Jesuh a rak riahsia ti a ruat tam vivo. Bawi Jesuh in ziang tluk in a duhdawt ti hmuh duh ah thlacam in thawinak a rak pek.
Kum hleihnih a ti ah khuapi ih lamzin pawl ah Pathian thuthangtha a rak sim thok. Midang pawl hnenah Pawlpi leiram a long tu ram uk tu Siangpahrang dodal dingah a rak sim. Rose ih thusim mi cu mi tampi in an zum ruangah a pa cu a thin a phang zet.
A pa in Rose hnenah, “na thusim na colh lo le ka lo hram ding,” tiah a rak ti. Asinan, rose in aw ka nem te in “Jesuh in ka hrangah a tuar tei a si ahcun kei khal a hrangah ka tuar thei ve. Bawi Jesuh in tuah aw I ti mi cu ka tuah ih a thu ka el lo ding,” tiah a rak ti.
Cui hnu kum hnih ah Rose in Pope ih a ral pawl ih an thah duhnak in a rak luat. Netabik ah cun Rose le a nu le pa cu an khuapi in an rak suak. Ziangah tile ram uk tu Siangpahrang ih thihnak ding thu cu Siangpahrang a thih hlan te ih a rak sim cia ruangah a si.
Viterbo ih an kir sal hnu ah Sr. tuan a tum nan an rak cohlang lo. Curuangah an inn ah a tlung sal. Kum 1252, a kum hleisarih ah a mai suahnak khua ah a rak thi.
Mithianghlim Rose in a nunram caan tawite sungah thiltha tampi a rak tuah. Harsa zet hman sehla a tha ti a theih mi cu a rak tuah.
A ruak cu Viterbo ah tha zet in an ret ih tui ni tiang upat nak an pek. A hnenah a mah vekih thazaang le ralthatnak kan neih thei nak dingah bawmnak dil tlang uhsi.
