August 7

Mithianghlim Sixtus cu kum 257 ah Pope ah hril nak a rak ngah. Thla a vung rei deuh hnu ah ram uk tu siangpahrang Valerian in Christian pawl  dodal ih hrem nak a rak thok. A mah in Biak nak lam thawn pehpar mi thu rel khawm nak zaten a rak kham ih Bishop pawl, Puithiam pawl le Deacon pawl that dingah thu a rak pek.

Sixtus II cu Appian lamzin par ih um St. Callistus ih leihnuai thlaan kua ih Missa raithawi nak a tuah lai ah an rak tong. Cu le a um nak tohkham ah an teen cih ih Deacon pali thawn lutan an rak tuar.

Sixtus II cu cui leihnuai thlaan kua sungah an phum cih. A mah cu mithianghlim Peter theh in mi tampi ih upat bik mi Pope ah a rak cang lanta.