July 29
Mithianghlim Martha cu Mary Magdalene le Lazaru ih u a si ih Jerusalem kiang Bethany ti mi khuate ih um mi a si. Bawi Jesuh in a duh tuk hai ruangah an inn ah a leng theu. Voikhat ah Martha cu innleng pawl hrangah a tul mi pawl a tuah sak lai ah a nau Mary cu Bawi Jesuh ih kehram ah to in a thu sim a rak ngai. Cu mi cu Martha in a hmuh tikah a thin a teu tuk ih Bawi Jesuh hnenah, “Bawipa, ka naunu hi hnatuan hmuahhmuah I tun theh hi na poisa lo maw si?” tiah a ti. Cu tikah Bawi Jesuh in, “Martha, Martha!” Nang cu thil tampi par ah helhkam in na um; a tul ngaingai mi cu pakhat lawng a si. Cu mi cu nau in a hril ngah zo ih zo hman in an lawng nawn lo ding,” tiah a ti. Cui catlang cu Lk 10:42 sungah kan hmu thei.
Lazaru thizik te ih a nat lai ah Bawi Jesuh cu an hnenah a rak um lo. Bawi Jesuh a thleng tikah Lazaru an phum nak nili a si zo. Martha in Bawipa rak um aw la cu ka tapa a thi lo ding nan!” tiah a ti.
Jesuh in, “Kei mah cu thawhsal nak le nunnak ka si. Zokhal kei mah I zum tu cu thi hman sehla an nung ding,” tiah a ti. Jesuh cu thlaan ah a feh ih “Lazaru, ra suak aw” tiah a au. Hi thu cu Jn 11:1-44 sungah fiangzet in in sim a si. Cu tikah Lazaru cu a ra suak ngaingai. Martha cu rawl suang tu pawl kilkhawi tu tin an run ko ta.
