Albano Diocese ih Castel Gandolfo ah Pope Leo upat lawmnak  hlasaknak puai( concert ) an tuah sak. “Mawinak a halawhsam mi leitlun ah kan um. Leitlun ah harsatnak tam pi a um- raldoawknak, huatawknak, tihnungza cangvaihnak, hnatuan neilo ih um le a dang harnak tam pi khal a um.

Hitivek ih tonkhawm thei nak caantha kan hmu hi laksawng tum bik a si, ziangah tile himi pawl hnak ih tam thil a um ti in mang ter. Himi cun mipa le nunau kan hril tik ah, pakhat le pakhat thinlung sung ihsin mawinak lang ter ding in in komkhawm ter thei ih cu hlei ah  vanlam zoh thei ding in in bawm ti in mang ter a si.” Hi tongkam pawl cu Pope Leo in Castel Gandolfo ih hlasak ding ih ra tu pawl cibai buknak ih a sim mi a si. “Nan thei vek in, kan dungthla ih Spain ram ka tlawn nan san cu kan mit in van lam cuan/zoh thei ding hi a si. Music, thiamzung le mawinak ti pawl cu Pathian hnen panthei nak ding lamzin an si,” tin Pope in a sim. Cun music le thiamzung ih man an neihzia pawl tla a vun ruat ih, tulaifang ih harnak pawl hnak in Pathian lam ah khua in cuan ter thei tu le ruahsannak tla in neiter sal a si.

Cu le hi mi puaithawhnak ah, Bishop Vincenzo Viva in hmuahnak thu a sim. Hi tivek in Pope in an hnen ah thaal colhcaan a ra hman sal thei ruang ah lungawinak tam pi kan nei tin a sim. Cun hi mi concert kan tuah duh san cu “Kan lungawi thusim duh nak le symphonic music laksawng kha kanzate kom in zemtlang duhnak thawn kan tuah mi a si,” tin a sim.