Nunau pakhat cu a tamsawnin nauhak aa vek an si.
In duhtu pawl hnen, kan duhmi parah kan sual duh, kan hnoh duh. Himi cu nunau tamsawn ih umtu daan a si.
Kum 60 hri khal siseh kum 20 hri khal siseh thinheng an duh le an thinheng, an ngol duh le an ngol asi.
Tu ka sim dingmi nunau cu a par ih ka sim mi umtu dan pawl thawn a kalh aw a si.
Nunau pakhat a si konan nunau bang lo mi fala pakhat a si.
Hahdam ten a um. A nunram cu nuam zetin a hmang. Hnatuan khal tha ten a tuan. Rualpi pawl parah a dingfel.
Asinan zopar hmanah hngah awknak thinlung a nei lo.
Keicu nunau ka sisi ti mi ruahnak thawn ziangtikhmanah a tha nau le rinsan duhnak thinlung a nei lo.
Keicun a puitling mi nunau tin thuluu ka pek.
Mi pakhat ih um tu zia pawl ruahnak pawl ti mi cu nauhak lai nunram thawn tamzet a pehpar aw a si.
A nauhak lai zoh tikah dil tinten ngahnak innsungsang ih sin a ra mi a si lo. Duhmi pawl kha sup in a thanglian a si.
Cuicaan ihsi thok in duh mi a neih tikah keimah ten ka zuam dingih ka la ding ti mi ruahnak cu an thinlung sungah a um.
Midang parih hngah awk ding aiin a mah le amah rinsan awk ding lawng a ruah.
Duhdawtnak thu thawn pehpar in khal a rak tuar zo. Duhdawtnak ti mi cu zumding um nawn lo tiangin a rak tih zo a si.
Curuangah duhnak thu lam sim tikah ngaisak loin hnih suak men in a hmu. Tuar dan a thiam nawn lo.
Thinlung duhnak a neih hmanah a nunram kha a ngaihsak deuh.
Thinlung aiin a ruahnakah hna a tuan deuhdeuh.
“A puitling mi nunau” hi hmin ngah dingah tuar duh lo mi hriamhma pawl kha a rak tuah. A duhmi ngaihsaknak pawl kha duh lo vekin a rak um aw ter.
A nem mi thinlung pawl kha zoih theih lo in a rak thup.
Khatlam mi kha kaihtang ding aiin mah le mah duhawk kha a nuam sawn dingti ruat in a mah le a mah kha a duhdawt awaw.
Zohman a hua loih zawi par hmanah thinhengnak a nei lo.
Nuam aw cuu a si lonan nunram kha a nuam dingih a sak tu mi menmen nunau pakhat a si.
Ngaihsak tul lo mi kha ngaihsak lo in ngaisak a tul mi kha ngaisak aw.
Hngilh a tul mi kha hngilh in cinken a tul mi kha cingkeng aw.
Zianghmuahhmuah a thinlung sungih a re tu cu a nunramah thinharnak tampi ngah a theih thukha ka rak thei zo.
Credit to owner with respect
