St. Peter Basilica biakinn pi sung ah Pope Leo ih hohanak in St. Peter le St. Paul ih puai Missa raithawinak an tuah. Pope in “kan nih khal Peter le Paul vekin rualremnak tuah thei tuk kan si maw, duhdawtnak thinlung thawn siangzet in Pathian ih milai pawl hrangah tin nunak petheitu kan si maw ti kha thaten vun ruat sal ding hi a thupi nasa tin a ti.”

Hi mithianghlim pahnih cu Rome khuapi le Rome Diocese ih zohsan mi an si. Peter cu Jesu in a mai tuu run khaltu ding ah a hril ih, Paul cu Gentile mi pawl hnenah thuthangtha simtu ding ah a hril. An pahnih cu pawlpi ih rinsat tlak bik mi an si.

Peter cu a hmaisabik Pope a si. Remawklonak le buainak phunkim lak ih sin rualrem ten feh thei sal ding in remnak tuah thei tu a si.

Peter cu mifamkim a si ve lo. Jesu Khrih hman hi veithum tiang a el, asinan sualsir nak thinlung thawn mitthlitla in a um. Paul rori hman in Peter ih umdan a ngaih lo mi pawl kha hmaisong lo te in a sim. A sinan, Peter cun a tuahsual mi par ah sualsirnak thinlung a nei ih thanau lo ten a hnatuan ding mi thuthangtha au pi ding le a tuurun pawl  komkhawm in hruaiding  kha pelhlo ten thihnak tuar tiang in a tuan. A cuih a thihnak hmun cu tui kan pumkhawm nak Rome ah a si” tiah a ti.

Peter cun, Pathian ih a ap mi riantuan ding kha thaten a cohlang: cu rianpawl cu “ Pathian ih bawmnak thawng in mikip ih auaw thaten ngaithei ding in le, lam hman ah  kaihruai thei ding in, a hmanlo mi pawl khal remsak thei ding in, thinkhat lungkhat te in um thei nak ding ah thazang pe ding in, thaingthlarau ih hruainak vek in pakhat le pakhat thungai aw in an um thei ding in le rundamnak hnatuan khal an tuan thei ding.”

Peter ih nun ihsin kan zirding mi cu, Christian pawl kan zaten remnak tuahtu(dintheitu)si ding in,  Pathian hi nunram ah a thupi bik ah ret ding, midang pawl khal  Pathian hnen ah hruaithei ding in le a tulsam  mi pawl bawm thei tu si ding in” kawh kan si ti mi hi a si. Hi ti veh ih kan tuan lawng ah thuthangtha cu famkim ten aupit a si ti a lang ding.

Pathian in Saul ih thinlung a thleng ter

“Pope Leo cun , Paul cu bangthiam lo ih Pathian thuthangtha sim tu a si.” Pathian in hi mino Pa Saul ih thinlung kha mangbangnak in a khah ter ih Thuthangtha au pi tu ding ah a hmaisabik a ko ih a hmin khal a thleng. Cui hlei ah tleitlun pupuluk ah thuthang tha sim ding ah a thlah mi khal a si, tiah a sim. Peter vek thotho in, Paul khal cu hi Rome khuapi ah nunnak pek tiang in  thuthang tha sim tu a a si.  Gentile pawl hrang ah dungthlun tu si ding ah “Paul cu a mah le mah Pathian ih tongkam huham in a thlengawk ih, cu mi cun mi hrem tu din  hmun ih sin a luat ter ih duhdawtnak lamzin ah a thlen ter.”

Cun Pope Leo in St Augustine ih simmi, “ Pathian in pawlpi hrem tu pa kha a ko ih remdaihnak pe tu ah a can ter,” cun,  a sualnak pawl hmuahhmuah a ngaithiam ih midang ih sualnak khal ngaithiam thei tu ding dinhmun ah hnatuan khal a pek.

Archbishops thar pawl Pallium ti mi Hngawngorh an ngah

Hi Archbishop thar pawl khal cu, Pope Leo in duhdawtnak tak tein hnatuan ding ah le remdaih nak kha thangso ter tu si ding in thazaang a pek.  

Hi mi Pallium tuuhmul thawn tuah mi thinglamtah thawn mawih mi ih a sullam cu, tuukhal tu le a tuu pawl karlak ih an sinak kha a khihmuh a si. Cun  Bawipa in a  tuuruun pawl harang ah a nunnak liam tiang in a kilkhawi bang tuk in nan ni khal nan liangtlun ih ap mi nan rian kha a tul ah cun thihngam tiang in tuan ding hi a ti duhsan a si” tin Pope  Leo in a sim .

A neta bik ah, Pope Leo in  “Rundamtu Pathian ih keneh kan thlun thei nak ding ah St. Peter le St. Paul ih bawmnak le thlacamsak nak kha dil in thlacam ding in a sawm.

HImi thuthang cu Vatican news in kan don mi a si.