Pope Leo cun nithum niih Vatican tualrawn piih ratu pawl hnenih a thuzirh miah Eucharist thu le Vatican II ih an rak nemhnget mi a thiang mi Biaknak (Sacred Liturgy) lam daan thlun ding thu thawn pehpar aw mi thupawl a zirh.

Pope Leo cun pawlpi zirhnak vekin kan tuah mi Bawipa thi le sa sumnak  thu ruat phahin, hi a thiang mi thuthuk (“sacred mystery”) hi thuzirhnak cabu tlang pi pahnih nak sungih an ngan dan vek asile duhdawtnak Sacrament (thluasuah), pumkhat sinak, duhdawtnak thawn pehzomnak” an si  tile “Khrih cu Lantak puai tuahnak ih cohlan a si tithu, thlarau cu zangfahnak thawn a khat ih, nehhnu caanih kan co dingmi  sunlawihnak thutiam in pe a si.”

Missa sumnak kan tel tikah Jesuh Khrist thawn pumkhat si thei dingin aap aw thei tu si ding kha a thupi bik tin thapeknak a nei.

Pope Leo XIV at General Audience

Pope in Missa sumnak kan tel tikah, Pathian ih tongkam thaten ngai dingle, Bawipa ih cabuai ah rawl ei ding ih sawm kan si, cu mi sumnakah a mah rori cu Pa hnenah a hlan aw a si tiah a ti.

“Cumi ih a tel tu pawl cu, an tel nak thawngin” “nikhat hnu nikhat, an  mah le mah hlanawk  thiamnak, Khrish thawng in Pathian thawn pumkhat si nak le an mah le mah karlak  ih pumkhat si ding khal an zir aw” tiah a ti.

Missa sumnak tuah tikah , Pathian tongkam( Liturgy of the Word)  le Eucharistic Liturgy (Thi le Sa) biaknak hi khat le khat an pehzom aw ih, biaknak phunkhat a si nak a lang ter.

Cun “hi mi laksawng (missa sumnak)” cun pumkhat  si nak thazang in pek, kan thinlung sung ah, kan innsungsang ah, kan khuatlang ah a siatsuah tu thenthek nak huham hrangah  a cakzet mi sii a pe a si.” tiah a ti.

Himi thuthang cu Vatican News in kan don mi a si.