Syria ram Damascus pengthen ih Dweilaa khua ih St. Elias biakinn pi bomb an rak thlak lai ah minung 25 an thi ih, 100 lenglo in hriamhma an ngah. Hi ti vek ih thil thleng hi Ottoman Empire uknak san a cemhnu ih an ton mi tihnung za thil thleng hi a si.

Fr. Sahada in “a tu kumkhat kim nak ni hin, thinlung rethei /riahsiat nak le mitthli luang le tih nak thawn kan rak um lai in mangter lawng si loin, a thar in kan zumnak le thlacamnak khal a nung sal, pawlpi hnen ih sin pumkhat kan si nak le bawmnak in pek mi thawng in kan hmuh mi ruahsannak kan hmu mi tla kan lang ter ni a si ” tin a sim.

Zumtu pawl khal cun Siangbawi pa an lakih a um ah cun thin hnangam in an um ti thu an sim. Fr. Sahada in Catholic pawlpi sung ihsin pawlkom phun phun (phuaih) pawl ih bawmnak ruangah mitam pi in thathnemnak tampi an hmu/ngah ruangah tampi lungawi za a si. Hmai lam an nun khuasak nak dingih an tulsam mi pawl hrang khalah in hngilh siang lo dingin tin zangfah ka lo dil duh tiah a ti. “Mai duhbik mi ih thihsan mi hi ziang dang hnak khal in a na bik, ziangthawn hman in thleng le rulh thei a si lo, asinan hi ti vek ih bawmawk nak pek ti mi cu pawlpi in kan tuarpi ve kan theih pi ve ti langter nak a si rualrual in a tuanvo khal a si .” tiah Fr. Sahada in a sim.

Tui thal sung ah cu hi mi biakinn pi khal upsal nak puai kan tuah thei ding tin zumnak kan nei.

Himi thuthang cu EWTN in kan don mi a si.