Jules Rimet cu 1873 France ram, khuate pakhat ah Catholic biaknak lam ih zumnak hnget zet mi inn sung sang ih sin thang lian tu a si. Rimet cu, Pope Leo VIII ih cabu suah mi “Rerum Novarum” (mi farah pawl tlomngaih nak le mipa khat ih nunnak /sinak ) ti mi thu a siar mi in a thinlung a khoih tuk ih Paris khuapi ah a kum kumhlei ti lai ih sin tlomngaih nak/duhdawtnak rian tuan a thok.

Kum 1897 ah, The Red Star Football Club a din. Hi Football lehnak hi, Catholic Pawlpi in mi hmuahhmuah a cohlan vek in mi zo vek khal thleidannak um lo in cohlang ding ti mi ruahnak kha a tarlang.

A veikhatnak Leitlun huap Ral pi a rak um lai ah ralkap officer dinhmun in a rak tuan ve. Mi raltha pawl an pek mi sunhlawih nak (Croix de Guerre )ti mi laksawng tla a ngah.

Hi rapthlak za Ralbuai nak in a zumnak cu thazang thar a pek. Cui thazangthar cu ziang ha ti le: lehpannak in miphun pawl rualrem nak a pek thei ti le remawk lo nak khal remdaih nak ah a thleng ter thei ding ti mi a si.

Rimet cu 1921 kum ah FIFA President ah hrilnak a rak ngah ih kum 30 lenglo a rak tuan. Cun, 1930 kum Uruguay, FIFA World Cup an rak tuah lai ah, a hlan ih a rak tumtah mi vek in a rak cang suak thei. Lehpan nak thawng in ramkhat le ramkhat rualrem awk nak le remdaihnak a um thei ti mi ah teimak zet ih a rak tuan. Cun, 1956 kum ah Nobel Peace Prize ngahding ih an hril mi hmin cazin sung ah a rak tel.

Himi thuthang cu Catholic Tradition and Evangelization Fb sung ih sin kan ngan mi a si.

Crd: Catholic Tradition and Evangelization