Pope Leo cu a ni lit nak Spain ram Saklam ih um Barcelona a feh hlan te ah pumpe ih riantuan tu pawl thawn Madrid ah tonkhawm nak a tuah ta.
Pope Leo in Sapain khuapibik Madrid ih a khualtlawn sung ih pumpe ih riantuan tu pawl hnen ah a lungawinak thu a sim. Pope Leo in a hleice in “ nan mah le cio ten titheitawk le siang zet in nan pek nak par ah a mah ziangkim tithei tu Pathian in laksawng (thluahsuah) lo pe hram seh tin a ti. Pope Leo cun Khristian hmuahhmuah cu “mikip par ah zawnruah nak neih ding a si tin a forh hai. “Mi zawnruah thiam nak ti mi cu minung pawl ih nuncan ziaza le thlarau lam khal ah a thangso ter thei tu Colh vek a si. Cu cu Pathian ih khuapi ih danglam nak a si” tin a ti.
Part two (tum hnihnak )
Pope Leo cu Barcelona ah sunhnu ah a thleng. Lamtluan ih misenpi thawn an ton awk hnu ah Holy Cross Cathedral biakinn pi le Saint Eulalia ah sunlam thlacam nak in a thok. Pope Leo cun a duhdawtnak lang ter ding ah a thiam mi Spain le Catalan tong phun hnih hmang in thu a sim. Cun, mi senpi pawl kha thulu pa hnih Mo Nu le Ruangpum ti mi ruah khawm ding in a sawm. Cu le, Monu ti mi ih pianzia cu ; nan mah Barcelona ih um mi Catholic pawl pi hi- ziangtluk in nan lian, nan neih mi phundangdang lak sawng le bulpak cio ih thuanthu phunphun kha a si tin a run tarlang.
Cuihlei ah, Khrih ah pumkhat kan si . Ruangpum pakhat vek in, thazang a cak mi le cak lo mi pawlkom tampi khal a um ve. Hrekkhat kawhran pawl ih hnatuan mi cu hmuhtheih a si a dang tam sawn cu hmuhtheih lo in an um.
Himi thuthawn pehpar aw in, zozokhal pumkhat sinak hi tuahthei ding in a forhfial. “ kan rualrem ah cun kan thazang a cak , cu le thiangthlarau ih thangphawk nak thawng in kan rualrem.
‘Cemni nei lo ding ih sersiam mi kan si’
Pope Leo cu Barcelona ih Lluis Companys Olympic Stadium ah, a zankhat nak mi no pawl thawn ton awk nak a nei. Cu mi ah thinlung lam damlo nak, thazang hmang ih zohsuam awk nak le harsat nak thawn pehpar aw ih hmuhton mi thu mi pa thum hnen ihsin a ngai.
Cu le an pathum ten sawnleh nak khal a pe.
Leitisa lam ih hlawhtlinnak hmu nain thinlung kawlawngnak in a khat mi pa Ferran hnen ah Pope in hitin a sim ‘‘cemni nei lo ding ih sersiam mi kan si.’’ Cun, beidonnak thawn harsat tuartu Carmina cu hitin asim.“ hi ti vekih harsatnak na ton tik ah Khrih ih thihnak kha vun ruat sal aw.”
Netabik ahcun, hmuhsuam zomhtaih nak le inn sungsang remlonak tong tiu nu Cecilia hnen ah hi tin asim. ‘Ngaithiamnak thinlung neitu si ding in kan zirh a tul. ngaithiamnak cu kan thinlung sung ih natnak pawlhmuah hmuah le thilthalo hmuahhmuah dam ter thei nak hmual tum pi a nei.
Dingfel te’n ruat (dingfelnak thawn)
Pope in mino pawl thu asim theh hnu ah , tui santharmi pawl, hmailam ah hmunkhat te in ziangvek khua le ram dinhtu si nan duh, ding te’n in ruat uh tin a dil. Cu le hi Spain ram cu mi zo vek khal an sidan te ih upat nak thawn a cohlang tu rampi si thei ding.
