June 11
Levi miphun a si mi mithianghlim Marku ih sungkhat mithianghlim Barnabas cu Cyprus ah a rak suak. Dungthuntu pawl in a hmin ngai Joseph cu Barnabas ah an thleng sak. A ti duh san cu, “thazaang petu,” ti nak a si. Cui thu cu Tirhthlah 4:37 ah kan hmu thei a si.
Mithianghlim Paul a nun a thleng hnu kumthum a rei ah a mah cu Jerusalem ih a feh tikah Barnabas tin an ko ih dungthluntu pawl hnen ah an kuat tiah Tirhthlah 9:27 sungah kan hmu thei a si. Tirhthlah 11:26 sungah cuih caan hrawngah Antiok ih um Christian pawl an pumkhawmpi ih thuzirh dingah Paul le Barnabas cu an thlah. Hi Antiok khua ah hin a si dungthluntu pawl cu “Christian” tiih an rak kawh hmaisabik.
Kum khat a rei hnu ah Paul le Barnabas cu Judea ram ih um mifarah pawl hrangah thil an keng sak ih Johan Marka an hruai ih Jerusalem ah an tlung sal. Cui catlang cu Tirhthlah 12:25 ah kan hmu thei. Tirhthlah 13:2 ah cui hnu ah Johan Marka cu a thinlung a thleng sal ih Jerusalem ah a tlung.
Cyprus le Asia Minor ih thuzirh a theh hnu ah dungthluntu pahnih cu Christian thlun ding a tul le tul lo rel khawm dingah Jerusalem thurel khawm nak ah an ko. A voihnih nak Pathian thuthangtha phuang dingih khual an tlawn hlan ah, zaan ah Barnabas le Paul karlak ah rem awk lo nak a um. Ziangah tile Barnabas in Johan Marka kha an mah thawn feh ve ding a duh. Asinan, Paul in a hlan ih zin dang ih a rak pial san dah ruangah a hruai duh lo. An thu rem awk lo nak a nasa tuk ruangah an pahnih in an then aw. Barnabas le Marku cu Cyprus ah long in an feh ih Paul le Silas cu Seria ah an feh. Cui thu cu Tirhthlah 15:38 sungah fiang zet in kan hmu thei.
