Hnatuan ka cawl ngam lo ziangah tile paisa khawl mi ka neih lo ruangah.

Ka bang tuk tin ka tong ngam lo ziangruangah ti le hnatuan tul mi pawl ka theh hrih lo ruangah.

Ka zee ngam lo ziangah tile kei aiih a thiam tu pawl hman an zuam lai a sisi.

Hril ding lamzin a tam pi asinan ka hril zo mi lamzin cu ziangtikhmanah ka tan ta lo ding.

Zo zo khal ih ka that lo thu in sim a si khalle a can a kim cu an mah ten an thei thiam leh ko ding. Thinlung sungih reh rero a tul lo. Zo hnen hmanih leiba neih lo kha a tawk.

Thin hahdam tei um kha zuam aw. Minung nunram ti mi cu hlawhtlin a um vekin tlak siat caan khal a um.

Midang pawl kha varel ih sim siat rero a tul lo. Nunram ih pek mi zirnak pawl kha zir tha sinsin le mah vanthat nak ngah sinsin a si.

Leitlun ah ziang hnatuan hman bang lo ti mi a um lo. A buai lo mi innsang khal a um lo. Ka hril mi lamzin cu zuam duhnak lamzin a si. Zo hman ka ik sik lo. Hi dinhmun thlen thei dingah ziang ti tluk in sun le zaan cawl lo in a zuam sut san aw.

Mitin in zalen nak an duh thluh ko ding. Hna tuan lo in inn ih a um men tu khal suh aw an nih khal an mah le thinhar nak an nei thotho.

Sumsaw thilri, mai sumdawnnak hnatuan le mai ruangpum ziangziang a si khal le man nei dingin hmang aw. Curuangah zo hman iksik nak san a um lo.

Minung nundam cu tawi te lawng a si zianghman zuam awk ding a um lo. Ziangtluk in that nak ka tuah zo ti mi kha ruat aw sal aw.

Mitin cu a mah vek kan mah vek an si. Curuangah khat le khat zawnruatnak tumpi thawn unau vekin pawlkom aw. Tha pek nak thawn hni san aw.

Cuti a si le leitlun cu a nuam zet a si.

Crd;