Pope in mipi a tonnak ni ih thu a simnakah thianhlimnak ti mi cu mimalte hrang lawngah a si lo” tiah sim. (April 8, 2026)
Thianhlimnak ti mi cu mimalsawn hrang lawngah a si lo. Hi mi cu Baptism a sang zo tu pawl zate in Pathian kha duhnak thawn midang khal duhdawtnak famkim ngahnak dingah zuam ding asi ti ih sawmnak laksawng pakhat a si.
Pope Leo XIV in Vatican ah Tlawngkai nithum ni zinglam ih tuah mi mipi a tonnak ah hi thu hi a rak sim. Cuti ih asimnak ah Vatican council II nak le a thu pawl kha a rak sim ih Pawlpi thawn pehpar mi ngan mi Lumen gentium khal a rak sim.
Pope Leo XIV in a khawmtu mipi pawl hnen sacraments pawl zate thawn a hleice in Eucharist (Bawipa thi le sa) in a thianghlim mi nun in nung thei dingah in bawm ih thazang in pe tu pakhat a si ih mitin in Khrih vek in si dingah in thleng sak” tiah a rak sim.
Pope in Jesuh Khrih in Pawlpi cu a rak thianhlim ter tiah a sim. “thianhlimnak cu a mai pek mi laksawng pakhat a si. Hi laksawng cu kan ni in lungawi ten kan sang ih a mah kan thlun tikah nitin nun ram ah a hung lang asi” tiah a sim. Pope in Lumen gentium ah Catholic Pawlpi ih thianhlimnak kha a thupi mi pakhat in a rak langter.
Pope in farahnak, thianhlimnak le tangdornak ti mi biaknak ih lamhmuh mi pawl a thlun ih Pathian hrangah mai nunram ap tu pawl a hleice in mangsal in a sim. Hi mi pawl cu Khrih vekin a thianghlim mi thinlung thawn Pathian hnen mah le mah an ap aw ih a mai kilvennak kha zum in a rinsan tu pawl kha a hmuh a si.
Hi mi pathum cu mai zalennak a kaiawktu daan pawl an si lo. Hi mi cu Thiangthlarau Pathian ih pek mi mi a luat ter thei mi laksawng pakhat asi. Hi mi pawl ruangah zumtu hrek khat pawl in Pathian hrangah an mah le mah pumhlum in an ap aw thei” tiah a mah in thupit in a rak sim.
Pope in farahnak ti mi cu Pathian ih kilvennak kha pumhlum ih zumnak kha a langter ih maihrang lawng ruahnak pawl in mi a luat ter tiah a rak sim. Thungainak ti mi cu Khrih in a Pa Pathian ih thu a ngai vekin a si ih rinhlelnak le thuneih duhnak thinlung pawl in a luat ter a si. Thianhlimnak cu duhdawtnak in a khat ih a thianghlim mi thinlung ih laksawng pakhat asi ih Pathian ih Pawlpi hrangah riantuan nak ah a um tiah a rak sim.
Curuangah a mah in hi biaknak lam ih ruahnak peknak pawl in Khrih ih nunram kha thinglamtah thihnak tiang a rak thlun nak pawl a tel nak alang ter. A ngaingai ah cun Thianglamtah parah Khrih ih a ap awknak ruangah kan mah pawl zaten rundam kan si ih ka thianhlimnak a si tiah a rak sim.
Pope in “kan nunram in thleng tertu thlasuah in hniksak nak pawl sungih in hnget ter ih a hla mi zohthim ding mi pakhat si lo in duhdawtnak ruangih minung a cang mi Pathian thawn tonawknak kha lam in hmuh” tiah a rak sim.
A netnakah Pope in a thianghlim mi nu Maria hnenah kan khualtlawnnak ih lampi kha in bawm in in kilhim dingah dil phah in a thla a rak cam. Hi mi thu hi Vatican thuthang in a tawizawngin kan ngan mi asi.
