Pope in leitlun hruaitu pawl hnen hriamhrei pawl thlah in ret dingah forh.(April 5, 2026)
Easter zarhpi ni ah Pope in leitlun hotu pawl kha thuneihnak ih uknak hril lo in an mah thawn pehthlaih in hril thiam dingah” zaangfah a rak dil. Cuihleiah a ralai ding mi zarhte ni April 11 ni ah St.Peter Basilica ah remdaihnak hrang zanlam thlacamnak (prayer vigil) ah a mah rori in a hoha ding thu a rak sim.
Pope in Leitlun hruaitu pawl hnen hriamhrei pawl kha ret in thuneihnak ih ukawk hnak cun “hmaiton ih thurel tlangnak” kha hril dingah a rak forh fial. “Hriamhrei kai tu pawl cu an mai hriamhrei pawl kha thlah hram hai seh” tiah Easter Thosal puai ni ah a rak sim ih tuah theu daan vekin Urbi et Orbi” Leitlun pi thlawsuah pek nak ih thu a simnak ah Pope in thu ngai thlak in a rak forhfial.
St.Peter tualrawn ih a ra khawm aw tu mipi pawl a simnakah Pope in ralbuainak a can ter thei tu thuneitu pawl kha remdaihnak hril dingah a rak forhfial. Remdaihnak ti mi cu thazaang thawn ngah lai hlan lo tuah thei mi a si lo ih minung karlakah reltlangin ngah ding mi a si tiah a rak sim. Midang pawl kha nehrawknak ding si lo in an mah pawl thawn tongin reltlang dingah” tiah a sim.
Pope in leilungpi ah doawknak kha daan vekah a cang tum tiah ralrinnak a rak pe. “Minung tampi an thih lawng silo in ralbuainak ruangah a cang mi huatawknak, thentheknak le sumdawnnak, nunphung lam ih thatlonak pawl khal ziangrel lo in kan um tum thlang” tiah a rak sim.
Netabik ah Pope Leo in Pope Francis ih raksim dah mi tharthawh in a sim mi cu “leitlun pi ziangrel lonak a than vivonak thu thawn pehpar mi kha a karh vivo thu kha ralrinnak a rak pe. “Kanmah pawl cu ziangrel lo ih um ding kan si lo. Thil tha lo cohlangin on men in um ding kan si lo” tiah a rak forhfial.
Curuangah tuizarh a ralai ding mi Zarhte ni April 11 ni ah St.Peter Basilica ah remdaihna hrang zanlam thlacam nak kha a mah rori in a hoha ding thu khal Pope in a rak sim.
Easter puai ni ah Jesuh Khrih cu thihnak a rak neh ih curuangah “ hi leitlun ih ral a rak neh” tiah Pope in a sim. A sinan hi nehnak a coter tu thazaang cu tuahmawh nak a silo “minung pawl kha a tuahsak ih a nunnak a pek, a ngai thiam ih ruundam nak petu duhdawtnak a si tiah a rak sim.
“Duhdawtnak thawn ngaithiamnak ti mi hi thinlungin remdaihnak kha a din sak ih minung pakhat le pakhat karlakah, pawlkom karlah ah pehtlaihnak pawl tamdeuh in a tha ter ih thazaang ah a can ter a si” tiah a rak sim.
“Urbi et Orbi” thlasuah peknak ih a thucahnak a cem zawngah Pope Leo in Easter ih remdaihnak ti mi cu hriamhrei pawl daithepthep ih retnak lawng silo in minung pakhat ciar ih thinlung a tongih a thlengter mi thinlung muril ih remdaihnak khal a si thu thupit in a rak sim.
Khrih ih remdaihnak in kanmah le kanmah kha thlengaw dingah pe aw uh si” tiah Pope in a rak forh ih harsatnak a tuartu thinlung zate le Bawipa lawngih pek thei mi remdaihnak ngaingai kha a hngaktu zaten Pathian hnen ka ap” tiah a rak sim. Hi mi thuthang cu Vatican thuthangin a remcang thei bikin kan ngan mi asi.
