Pope in Vutcaam culh ni ah thihnak cu thihnak tiah ko ko uhsi tiah sim. (February 18, 2026)
Lenten (Vua luh) thok nak ah Pope Leo XIV in vutcaam cu “ mei a kang rero mi leilungpi ih a rihzia, ralbuainak ruangih khuapi pawl pakhat hnu pakhat siatsuah a tuar nak ih a rih zia in ralrinnak in pek tiah a rak sim.
Pope Leo XIV in tuini ah Rome khuapi ih Basilica of Saint Sabina ah Missa raithawinak hoha in a tuah lai ah sualsirnak, pawlkom ih nun ram le thihnak thu pawl kha ruat sal in a rak sim. Cui hmunih biakkhawmnak ih a tel tu pawl ih cal parah a reihlan ih hnuh ding mi vutcaam phut pawl cu “a kang rero mi leilungpi ih a rih zia le ralbuainak ruangah khuapi pawl pakhat hnu pakhat siatsuah a tuarnak dinhmun ih a rih zia kha ralrinnak ah in thei ter” tiah Pope Leo in a rak sim.
Pope Leo XIV ih simnak ah leilungpi ih dinhmun cu a tui Vutcaam culh ni ah “thihnak cu a si daan vek ih ko dingah le cu mi ih hminsinnak pawl kha mai sungah ret dingah” a tul thu a rak sim. Vutcaam culh ni cu Lenten (Vua tik cucaan) ih a hmaisabik ni a si ih Easter thosal puai thlen hlan ni 40 sung rawlulhnak le thlacamnak tikcucaan a si.
Pope XIV in a simnak ah cui mi cu “Pawlkom hrangah thazaang caknak caan” asi thu a sim. Tuisan ah minung hmun khat ih um khawm tlang cu a mal vivo ko nan Lent Vua tikcucaan in minung pawl kha “ an mai sualnak pawl kha thei in tetti khan pawlkom” dinhmun ah a kom ter thu a rak sim.
Pope in Lent (Vua tikcucaan ) cu bukpak ih Pathian biaknak dinhmun ah hmu lo in “ mai nunram kha a thar ih rem dingah a hman mi ti daan pawl a hawl tu daiten um thiam lo in minung pawl thatnak ding hrangah” Lent (Vua) tikcucaan cu langter thei dingah tidaan pawl hawl thei dingah a tul thu a rak sim. Hi mi thuthang cu Vatican thuthang in kan ngan mi asi.
