Nunram lamtluan ah paisa cu a thupi zet mi a si.
Asinan paisa thawn thleng lo ding mi thil khal an um.
Cui thil pawl cu
“Tiamkam nak tongkam kamkhat kha paisa thawn thleng hlah”
“Nuncan ziaza kha paisa thawn thleng hlah”
“Ningzah mualpho nak kha paisa thawn thleng hlah”
“Rualpi tha pawl kha paisa thawn thleng hlah”
Tiamkamnak tongkam kamkhat kha paisa thawi na thleng ngah asile paisa ziangtluk tam na neih a si khal le tiamkamnak tongkam a hlen suak lo tu ih tongmi cu zohman in an upat lo ding asi.
Nuncan ziaza kha paisa thawi na thleng asile mai thatlonak nuncan in kumkhua in khuh dingih maithlam hman kha kan tih ding a si.
Ningzah mualpho nak kha paisa thawi thleng ngah a sile rak mualpho nak ruangah kumkhua lu tung ngam nawn lo in kan um ding a si.
Rualpi tha pawl kha paisa thawi thleng ngah asile harsat ton caan ah bawm tu neilo, rinsan ding nei lo in nunram cu mahte lawngih pahtlang a tul ding a si.
Paisa cu nunram hrangah a thupi zet a si.
Asinan paisa lawnglawng hawl nak ah man a nei zet mi thil pawl kha sung pang hlah.
Paisa khal hawl aw. Mai duh mi khal kilhim aw.
Credit to owner with respect
Website: rvafalamchin.org
