No. 6   Keimai hlan ih Catholic Khrihtian pawlpi a rak uk tu Pope Benedict XVI ih ruahnak a rak pek mi ah a dik lo dan sia parih hrambunmi, a tlaitluang lo mi pumcawm nak pi kha hlon in kiangkap that nak kha a upatthu, tiamkam nak pek thei lo mi pumcawmnak tidan pawl khal rem tha sal dingah a tul a si.

Upat tlak zet mi Pope ih lam hmuhnak cu leilung pi thu kan vun zinzoi tikah hmuhdan pakhat lawng zohih nemhnget ding a si lo. Leitlun cu then a theih lo ih pakhat ah komaw in, cumi ah kiangkap, umnak, nunau le mipa, innsungsang, komawk nak cutin a phunphun a tel a si. Curuangah nehhnu dinhmun in kiang le kap a siat nak cu minung pawl ramsa phunkim thawn rem tei um tlang dingah in hmuh tu nunphung thawn khal naizet in pehpar awk nak a nei. (St. Benedict XVI)

Upat tlak zetmi Pope Benedict cun minung pawl tuanvo lak lo nak ruangah kiang kap cu tamzet a siat suah thu kan dinhmun in theih saknak pek dingin dil nak a nei a si.

Minung pawl ih pawlkomnak kiangkap dinhmun pawl khal a siat a si. Hi siatnak phunhnih ih a hrampi cu a tha lo mi daan pakhat ruangah a si. Cumi cu tui san minung pawl mah pakhat cio ih um tlan dan pawl kha lam in hmuh tu, mitin ih el a theih lo mi (Pathian ih nemhnget mi) thudik a um thu, cohlan duh lo nak le minung pawl ih zalennak khal rikhiah a neih lo thu hleice ih an sim nak ruangah a si.

Minung cu mah hrang tin mah tuah mi zalennak pakhat lawngkha hleicet ter lo ding thukha an hngilh theu. Minung cu mah le mah kan sersiam aw lo. Minung ah taksa le thlarau a um vekin minung sinak khal kan nei a si.

Pope in pa pakhat ih thinbang nak, Pathian ih a sersiam mi leilungpi dinhmuh ih hmuhton mi harsat nak pawl kha mai din hmun in ralrinnak nei dingah hitin forhfial nak a nei a si.

“Leilungpi ih thu kha kan mah in kan kai ih thil zaten cu kan neih mi an si ih, kan nih cu thil ziangkim khal mai that nak lawngah kan hmang. Kan nih cu minung pawl ai in a sangmi (Pathian) a um thu kha cohlang lo in, mah le mah siar lo a dang zianghman kan hmuh lo ni ihsi thok in Pathian ih a sersiam mi ramsa pawl kha a dik lo zawngih hmannak kan thok a si.”