Mithianghlim Peter Claver ih thuanthu tawi
(1581 – 1654)
September-9
America ih um Nigaru miphun pawl kilkhawi tu Peter Claver cu kum (1581) ah Spain ram Bardu khua ah a rak suak. A mah cu hmun thar ih missionary hna tuan dingah tumtah nak thawn a kum (20) ah Jesuit kaing ah a rak lut. Kum rei lo te ah Colombia ram Cartagena khua ah an rak thlah ih cuih hmun ah siangbawi cannak a rak ngah. Cui sin thok in dungthluntu si nak ih a hnatuan cu Africa in sal hna tuan dingah mirang pawl ih ram thar ih rak kawh mi mifarah Nigaru pawl hrangah a rak ap aw.
A mah le mah Nigaru pawl ih hnen um a ti aw tu Peter Claver cu Pathian thu an hnen ih a sim hlan ah sii pawl le rawl a pek hai. A bawm tu siangbawi hnen khal ah mifarah pawl kan kaa thawn kan sim hlan ah tuah nak thawn kan tuan hmaisa ding tiah a ti. A mai nun khua sak nak lam tluan ah sal tingthum ai ih tam tikholh nak sacramentu a rak pek a si. A mah cu nikhat ah nazi (15) rei sual thlah nak a rak tuah ih Biak inn lawngah si lo in dawr khal ah Pathian thu a rak sim.
A mah cu Cartagena thawng ih um mi thawngtla pawl ih thlarau hrang khal ah a rak tuah sak. Cuihmun ih hna a tuan lai ah thlarau lam tul sam mi a tuahsak ta lo mi an um lo. Peter Claver in a mai netabik caan cu farah tak in a liam pi ih kum (1654) ah zohman ih tuam hlawm lo in a rak thi. A nung laiih a rak tong mi cu “Kei cu laak pakhat ih um daan cawn ka duh, a mah laak pakhat a si ruangah ziangtik caan hman ah zawi sual nak thu hman a rel dah lo. Curuangah Bawipai hnen um pawl tla cu vek si a tul.” tiah a ti.
