Greek tongin tirhfung tin hmin a nei tu Vangcungmi pawl cu Pathian ih sersiam mi a danglam zet ih fimnak thazaang huham an si. An mai tuanvo cu Pathian ih hnatuan dingah le minung pawl kilkhawi dingah a si. Ruangpum an nei lo vekin an mah cu tik cu le umnak pawl ih kaih hrem nak umlo mi thawn a luat mi a thi thei lo mi kumkhua thlaurau pawl an si. Cui hlei ah nunau le mipa an umlo. Cathianghlim Mk 13: 25 sungah minung pawl humhim ding le Pathian hmai ih peh – tlaih sak tu ding, dil sak tu ding le kilkhawi tu dingah Vangcungmi pakhat cair kan nei a si.

Bawi Jesus rori in Vangcungmi a um thu in sim a si. (Mt 18: 10) sungah hi bangtuk nauhak te nan zomtai lo nak dingah ralring uh. Fiangten ka lo sim, “ an mah kilvengtu vangcungmi pawl cu vangcung ih kan Pa hmai ah an um ringring asi” tiah Bawi Jesuh in fiang zet in in sim. A tha mi vangcungmi siseh, a tha lo mi vangcungmi siseh an mah pawl  in kan ruahnak lawngah hna an tuan thei a si. Kan thinlung duhnak parah tuah thei mi zianghman an nei lo. Curuangah thil pakhat tuah suak dingih bawhcat nak cu kan zalen nak (luat lat)  nak parah a um asi.

Himi kilkhawitu vangcungmi pawl ih puai ni ahhin, an mah sunloih le upat nak ah kan sakhua nun ahhin, an duh lo ruangih kan um sual nak parah sualsir in le mah kilkhawi tu vangcungmi pawl ih kilhimnak hi thei in le upat kan thiam thei nak dingah zuam tlang uhsi. Kilkhawitu Vangcungmi pawl duhnak thlun thei dingin thlacam zuam tlang uhsi.