RVA Falam Service/ September 29, 2026
Pope Leo XIV in France ram (Metz) khuapi ah Biaknak lam hotu pawl thawn an tonawknak ah biaknak lam ihsin aiawhtu pawl in leitlun remdaihnak hrang pehbetin rwltlang nak nei dingah remdaiahnak le dinnak hrang bawr khawmin zuam dingah firhfialnak pakhat an rak suah.
France ram ih um biaknak lam hotu pawl in ” minung zate hrang hmunkhat ten tuah tlang dingah” kan mai a hnget mi thu bawhcannak kha an namhngetih Pope ih hmai ah thurel nak, unau lungput, rualremnak pawl hrang Metz ih forhfialnak vekin an rak suah.
Hi Metz forfialnak cu kan dung kum 40 hrawngih Assisi khuapi ah rak suah mi remdaihnak hrang forhfialnak kha a thar in khih hmuh a si ih tui san milai pawl cu ralbuainak pawl, bangawk lonak pawl, kiangkap hmun hnget lonak pawl ruangah le cet thilri lam ih thiamnak a thlengawk ruangah a thupi mi a hrek thilthar pakhat ton a si thu ralrinnak pek a si. Hi mi thlengawknak pawl le remdaih lo nak pawl karlak ah kiangkap mahte um mi kiangkap in minung sinak kha humhim sak dingah le midang pawl kha kilkhawi in bawm dingah bangran ten tuan tlang dingah a tul thu biaknak lam hotu pawl in an rak sim.
Remdaihnak cu mai sungin a thok, Metx forhfialnak ah remdaihnak ti mi cu ralbuainak um lo ti lawng a si lo thu thupit in a rak sim.
Remdaihnak hrang thudik, minung sinak upatnak, miphun le miohun karlakah tesin fa pakhat le pakhat karlak ah lungrualnak le ” kan zaten kan ta a si mi kan nu leilungpi kha tha te in kan kilkhawi a tul thu an lang ter. Biaknak lam hotu pawl cu thleidannak le huayawknak ttong pawl ttongnak pawl kha a rak sawisel.
Cuihleiah France ram ah minung pakhat ih a piannak lole a biaknak ruangah minung pawl le biakkhawm nak hmun parah donak pawl a cang.
Cuitlunah France ram ah mipakhat ih mizia lole biaknak ruangah milai le biakthawinak inn hmun pawl siatsuahnak pawl a cannal thuah a hleice in a riahsiat a thla a phan thu a rak sim.
Cuihlei ah Lorraine hmun ah a hlan ih a rak cangdah mi thin nat za pawl mangsal in ” thuneih duh tuk nakin tur” khal a hnong a si.
Biaknak lam hruaitu pawl in Pathian ih hmin siseh, ziang biaknak ih thudik lole thlarau lam tuah theu mi siseh, tuahmawhnak le huatawknak ziangtik hman kha hmangin sal lo dingah tiah an rak rel. ွ
Thurel tlangnak, thlacamnak, Pathian thu ruat ih thlacamnak pawl cu remdaihnak lam ah a hruai tertu an si thu khal a rak forhfial.
Remdaihnak dinnak ci minung pakhat ciar ih sunglam in a thawh a tul ih maisungah tihphannak le midang pawl khal hno duhnak thinlung a suah ter mi thil pawl kha hrial dingah a tul thu khal a rak sim.
Fimnak peknak le rualrem salnak, tuahmawhnak le theih thiam awk sualnak pawl ruangah a dang a tang lai mi thinnatnak pawl khal a rak sim ih biaknak lam hruaitu pawl cu lehrulhnak ningzah ternak hnongin rualremnal kha cang ter tu si dingah mah le mah pek awk a tul.
Santhar nonawn pawl hnen pakhat le pakhat ih biaknak lam le thlarau lam tuah theu daan thu pawl zirh dingah harsatnak pawl karlak ah hmunkhat ten ding tlangin thudik le remdaihnak kha khaisang dingah remdaihnak cu nitin ten upatnak le nelawknak thawn din dingah a si thu biaknak lam hruaitu pawl in an rak sim.
Cuitlun ah Metz ah tuah mi hi tonkhawm nak cu minung pawlih theihnak thangharh ter dingah a si ih kum saupi a daih mi thathnemnak pawl cang ter dingajh tiah an rak ruahsan thu an rak lang ter.
Netabikah Metz forhfialnak cu ” ruahsannak ih lamhmuhtu zuk”
compass of hope)” pakhat cangdingah thla an rak cam ih “midang tel lo in siseh, midang dodal in siseh, rei a daih mi remdaihnak kha din a theih lo tiah yhupit in an rak langter.
Hi thuthang cu Vatican news in a tawizawng le a remcang thei bik dingih kan ngan mi a si.
