RVAFalamService/ September 14, 2026.
Pope Leo XIV cu 2026, September 14 ni ah a kum 71 kim suah ni lomnak an nei. Kum ih kum khat sung a tik cu caan hman daan cu remdaihnak hrang dilnak pawl, a Tuukhal khualtlawnnak pawl le minung si nak kha humhimnak parah thupit in a rak simnak pawl cu a khat a si.
Pope Leo XIV ih a kum 71 kim suah ni a si mi Tlawngkai nikhat ni September 14 ni ah leitlun hmuntin ih sin sunloihnak le cibai buknak thlacamnak pawl Vatican ah tampi a thleng.
Italy Bishop pawl conference (CEI) ih President pawlkom khal in Italy ram ih an mai hmunram aiawh in suahni thlacamnak, cibaibuknak pawl Pope hnen ah an rak kuat ih Pope a tuannak khal an lungawi thu an rak sim.
Italy Bishop pawl in Pope Leo ih thupit ih a sim mi thuthangtha cu Pawlpi nunramah thupit in a hrampi a sinak le zumnak cu Khrih thawn bulpak dinhmun ih hmuhtonnak a si nak thu khal in mangter a si.
Cuihleiah Pathian ram hrangih hnatuan duhnak thinlung a nei mi Pawlpi sungah pawlkom din dingah, mitin kha a cohlang mi Pawlpi si dingah le mipi pawl tel in tuan thei mi pawlkom pawl um dingah khal thupit in a rak sim.
Zarhpi niah Pope ih Angelus thusimnak kha sawhkhih in Italy Bishop pawl Conference in ngaidamnak le remdaihnak pawl ih pehpar awknak khal thupit in a rak sim.
Khat le khat theih thiam awknak a um lo tikah buainak a can thei thu a rak sim.
Pope Leo XIV ih thu simnak ah remdaihnak cu a tu le tu arak sim mi a thupi mi thu a si thu arak sim.
Pope ih hril a si hnu Hriamhrei tel lo ih remdaihnak thu kha a hmaisabik a rak sim thokin a Tuukhal khualtlawnnak pawl, tonawknak le mipi hmaiih a thusim mi pawl ah remdaihnak le rualrem salnak thu kha tu le tu a rak sim mi a si.
Remdaihnak le lungrualnak khal vei 400 luan tumtah in a rak sim ih lungrualnak, thurel tlangnak, ruahsannak le minung sinak upat ding thu khal thupit in arak sim theu.
January 6 ni ah Pope Leo in Pope Francis a rak ngan thok mi 2025 (Jubilee Year) khal St. Peter Basilica ih a thianghlim mi Sangka kharnak cemnak a rak tuah.
Amah in Magnifica humanitas ah ဉာဏ်ရည်တု (AI) thu rel khawmnak a rak tuah thei.
1955 kum September 14 ni ah America ram Chicago khuapi ah a rak suak ih Pope Leo cu a tu ah kum 71 a rak kim.
A mai Pope a tuannak ih a thupi bik mi cu remdaihnak le lungrualnak le milai humhim ding ti pawl thu langsar zet in hmuh a si.
Hi mit huthang cu Vatican thuthangin a tawizawngin kan ngan mi asi.
