RVA Falam Service/ September 11, 2026
Rome khuapi ih tuah mi Bishop pawl thurel khawm nak ah Pope Leo XIV in a thleng rang aw zet mi hi kan leilungpi ah kilkhawitu Bishop pawlin Tuukhal tha asi mi Jesuh Khrih ih thinlung kha zohthim in le Tuukhal hotu thawn pehpar mi thucah thazet a rak cah.
Pope sim miih a thupi mi pawl cu
Khrih thawn hmun khat ah caan pe dingih zuam nak- Pope in Bishop pawl dinhmun in kuttang pakhat vekih dingfelnak thinlung thawn thlacamnak, missa raithawinak le cathianghlin siar nak ihsin Bawipa Jesuh thawn hmunkhat ih um dingin a forhfial.
Duhdawtnak thawn hmuankhat ah tel nak-
Bishop ih hnatuan cu ‘ Duhdawt nak ih hnatuan’ a si. Pope in kilkhawitu Bishop sinak ihsin kan fale a si mi mipi pawl ih hmin le thuhla pawl zinzoi ding, riahsiah le nomcaan ah tawmawk ding le Puithiam pawl, innsung sang pawl ih thu kha ngai sak dingin a rak forhfial.
Pathian hnatuan thinlung kha kilhim ding-
Zumnak a khoh zetmi Catholic mino pawlih mawinak kha khihhmuh phah in, tlaitluang zetih ngaihsak nak pawl lawngin a thukzet mi cinken ding a tan thei thu Pope cun a rak sim asi.
A thleng aw rero mi kan leilungpi ah ruahsannak um seh.
Thiamnak le AI thanso nak pawl kha tahthim in thiamnak cu minung pawl kha sualnak in a luat ter thei lo. Thuthangtha lawngin a run thei thu le duhdawtnak ih nunphung kha dinnak ding hrangah ‘Magnifica Humanitas’ capi kha ruah khawm le zoh dingin a rak forhfial.
Mikip hrangah sangka ongsak aw-
Biaknak neilo pawl telin mi hmuahhmuah thawn fehtlang dingin, thlacam thlang dingin Bishop pawl kha Pope in arak forhfial a si.
Thianhlimnak le duhdawtnak thawi hmai a nor rero tu khawhhranih hotu Bishop pawl hrangah thlacam sak cio uhsi.
Himi thuthang cu Vatican thuthang in kan lak mi asi.
Crd: RVA Myanmar Service
10 September 2026
