RVA Falam Service/ September 10, 2026
Pope Leo XIV in Africa ram nitlak nak lam ih um mino pawlih zumnak lamtluan ah tha a rak pekih, raldo awknak le buaibai nak thawn a khatmi kan leilungpi ah duhdawtnak, dinfelnak le remdaihnak ih caapi pawl tungding dingah a sawm asi.
Pope Leo XIV cu Ghana ram, Accra khawpi ah a veikhatnak ih a ra thleng tu mino thawngtampi pawl hnenah mirang tong le French tong pawl in zuknung thawn caapi a rak kuat.
Hipuai cu Africa nitlaknak lam ih Bishop pawlkom (RECOWA) ih hohanak in an tuah ih, September7 -12 tiang “Nanraltha uh- Catholic mino pawl, Africa nitlaknak lamah remdaihnak le ruahsannak hmuhsaktu le khaisangtu” ti mi thulu hmangin antuah.
Pope cun a caakuat mi ah ram 16 ih Bishop pawl dinhmun in mino pawl cu anmah ih Mission hnatuan nak ah athupi bikih an ret nak parah a Slungawi thu a raksim.
“Hmunkhat teih nan cem ter mi hivek caan le ni pawl cun nanmah ih zumnak kha a thangso ter vekin, pakhat le pakhat hmaiton hmuh awknak le hmuh thiam awknak ti mi man pawl thawn nan khat sinsin ding tiah ka zum” tin PSope in a rak sim.
Mino pawl cu rinhlehnak, theihthiam lo nak le humhim lo nak pawlih phurrit pawl kha an phurih cui miphurit pawl cun an mai hmailam caan ih an ruahsannak pawl kha siatral dingin a hrinhro thu Pope cun a rak khihhmuh.
“Harsatnak phunkim in nan hmailam ih nan ruahsannak pawl kha a thimter ding tin nan ruat caanah, ruahsannak hlo loin hmainor ih feh dingin ka lo forhfial duh” tin a rak sim.
Harsatnak pawl an um konan Africa nitlaknak lam ih um mino pawl cu “Hnonmi tefa” silo in “ Pathain ih tuini, Khawhhran ih tuini” an sithu arak sim.
Pope Benedict XVI ih thusim mi kha tahthiam in mino pawl cu thiamnak, thilti theinak, sunmang le ruahsannak pawl annei ih, an mino si nak in Khawhhran le leilungpi hrangah ro sunglawi an si thu arak sim asi.
Pope Leo cu minung pawlkom lakah thatnak lamih thlengawk nak pawl kha cingkeng in hmunkhat ten fehtlang ding timi conak kha pahsuak thei dingin mino pawl a rak sawm a si.
“Hmunkhat ten fehtlang timi cu zozo khal hrial nak, hnonnak, tansan nak a silole elnak um lomi kha a ti duhsan a si. Miphun tinkim, nunphung tinkim le zumnak tinkim lakih pehtlaihnak tuahtu pawl an si” tin arak sim a si.
Bawipa Jesuh cun minung pawlkom ih hnon mi pawl lakah Pathian aum timi kha arak theih ter vekin, mino pawl khal Bawipa ih ziaza kha thlunin an mai lamtluan ah mitinkim in an tel thei ding tiah a ti.
Pawlpi in mino pawl cu a zumih an mi duhsak nak parah tlaihsan a si thu Accra khuapi ih a ra tu mino pawl hnenah a rak sim.
“Raldonak le buaibai nak in a khuh mi kan leilungpi hnenah nan tongfang pawl, nan nunram pawl le nan tuahnak pawl ihsin a cakzet mi caapi pek cio uh. Duhdawtnak, dinfelnak le remdaihnak ih tetti pawl si hram uh” tin arak sim.
An mahih “man a nei zet mi an mino sinak kha nuamnak le a hman lo mi zumnak ah pumpek nak, online parih a thalo mi thuhla zohnak pawl kha cawl in, anmah hrang ih a thuk zet mi an tul sam mi pawl kha kim ter dingin a tul lomi thinlung duhnak pawl kha hlon in man nei zet ih hmainor dingin a forhfial a si.
Pope Leo XIV in Africa nitlaknak lam ih um mino pawl hnenih a kuat mi zuknung caapi cu mino pawl kha Nu Mary hnenah ap phah in a thusim a cem ter a si.
“Bawinu Mary cu nan duhdawt zetmi rampawl ih minung thansonak hrangah a fa Jesuh hnenah thla in cam sak hram seh.
Hi thuthang cu Vatican thuthang in kan ngah mi asi.
September 8, 2026
Crd: RVA Myanmar Service
