Cumkheng pakhat le vaate pakhat cu thinkungpi pakhat hnuai ah an cawl. Cumi thingkhungpi ah vaate cun buu a sak. Cumkheng cun vaate ih buu cu a zoh ih, “Na inn khal hi zoh hnik aw! A kiak awl tuk mi thing hnge pawl thawn na sak. Tlun khuh le umlo. Zoh a sia tuk. Mai hrang sak mi inn khal kha tluk sia in na sak. Kei ka phaw tla cu na inn hnak hman in a tha sawn” tiah a ti.

Cutikah vaate in, “A si…A kiak awl mi thin hnge pawl thawn ka sak mi a si. Kiangkap mawi nak hmu thei ding in ka on mi an si. Zoh a sia thei. Asinan keimah ten ka sak mi a si. Ka duh zet!” tiah a sawn.

Cumkheng cun, “Kei cu ka zum…na buu cu midang buu vek a si ko ding. Zianghman danglam nak umlo. Keimah hnak hman in a tha cuang lo ding. Ka phaw pawl hman in daw sawn ko ding cuh” tiah a ti.

Vaate cun, “Cu mi cu nangmai’ ruah nak men lawng a sisi. Kei ka inn cu ka sungkua le ka rualpi pawl hrangah a tha bik thotho. Na phaw cu nangmah hrangah a tha bik men thei nan midang hrangah hman a tlak cuang lo pi. Ka hrangah cun ka inn hi a tha bik.” tiah a rak let.

Himi thuanthu ihsin, “Ziangtluk in a hngetkhoh zet, a tum zet mi inn khal nei hman ningla in duhdawttu umlo le mahten khaw har zet ih um cu ziangtluk  riahsiat thlak zet ha a si! Paisa um lo nan in duhdawttu pawl thawn um tlang khat thei cu leitlun ih kan lian nak pakhat a si. Paisa hman ih lei theih lo mi thin hnangamnak vek kha.” timi thu pawl kan thei thei a si.  

Crd: