Castel Gandolfo ih tuah mi zarhpi ni Angelus thlacamnak ah Pope Leo (XIV) in Petru cu milai pakhat a si thu le kan nih khal Mithianghlim Petru vekin “thinlung vaivuan ih kan um caanah kan thinlung sungih kan tuar nak kha Bawipa Jesuh hnenah tangdornak thawn fiangten kan sim a that thu” khrihfa pawl hnenah a rak forhfial.
Pope ih thuthangtha simmi ah Bawipa Jesuh in a dungthluntu pawl hnenah a tuar dingmi zonzaih harsatnak, thihnak le thoksalnak thudik mangbangza simfiangnak cuini ih Mt cathianghlim sung ta kha in vun mang ter sal a si.
Minungih Umdan
Pathian ih simmi cu sualsawmnak neh theidingih in bawmtu thawmhuham thawn a khatmi Messiah (rundamtu) hnenih khrihfa pawl ruahsannak kan neih mi thawn a danglam dan thu, curuangah Petru cu a lung diriam lo nak kha lang ter in beidong zetin Bawipa Jesuh hnenah “Bawipa, Pathian in duh hram hlahseh. Hi bangtuk cu na parah thleng hram hlahseh,” tin a mawhthluk thu Pope in a rak sim a si.
“Kan nih khal Pathianih khawkhan le minungih thuruah a bangawk lo tuk tikah cui khawkhannak cu theithiam ding le cohlan dingcu a ol ringring lo dan zia” in hmu ter.
Cule “Zumnak lam ih ruahnak pawl zaten sirhsanin Pathian cu a dik lo mi a si timi ruahnak nei dingih bumnak a silole a luar deuh mi cu Pathian cu kan thlacam in ngailo a silole in ngaihsak lo tin ruat ngah dingin sualsawmnak kan tong theu a si” tin a rak sim.
Petru ih in zirh mi a thupi mi zirnak
Hi vaivuannak a tongcaanah Petru cu a thinlung ruahnak a rangtuk miin a thupi mi thil pahnih in zirhthu Pope Leo in hleice in a rak sim a si.
“A pakhatnak cu cuivek harsat lai caanah Pathian ziangtik hmanah hngilh lo ding” tin a rak sim. Cule “Pathian in kan hnenin in ngen mi thil kha theithiam a har dan thu Bawipa hnenah thinlung hahdam ten simding” tin lam a rak hmuh a si.
A pahnih nak cu “Pathian ih khawkhannak kha ziangtik hmanah cohlan lo, kan mai ruahsan nak thawn a kaih awk lo tikah Bawipa khawkhan nak ihsin lam in ong sak mi kha tangdornak thawn, thlacamnak in thlun ding” ti a rak sim bet.
Thinglamtha hram ih A Fapa parih a thianghlim zet mi Mary ih thuthlunnak
A neta biknak ah “Fapa Jesuh’h thianglamtah hram ah Pathian ih khawkhannak a thlun tu” a thianghlim mi falahim Maria hnenah a mah vekin Pathian ih thu kan thlun ve theinak dingah in bawm ve aw tin Pope Leo in thla a cam ih a thu sim a cem ter a si.
