Leitlunah a besia bik mi mah te lawng umnak ti mi cu mah pakhat lawng um kha a si lo. In theithiam lo, zianghman ih in siar lo tu pawl hnenih um lawngkha a besia bikmi mah te lawng umnak a si.

Tahthimnak pakhat ka lo pe ding. “Phanat” kha vun ruat hnik. Mai kee tawk lo, a tet zet mi keedam hruh ih feh cu ziang tluk in a har.

Kan kee a durh ding, a naa ding. Hivek keedam cu “Keedam hruh lo ka tih” ti mi thu in kan hruh rero hrih ding maw si.

Cui keedam cu hlon in “Kee lawng” ih feh cu a tha deuh a si. Kee lawng ih feh cu a har tla a si thei asinan kee durh tluk in a na lo.

In upat lo tu minung ti mi cu cui “kedam tetzet” thawn a bang aw. An mah thawi um tlang a si le ziangtik hmanah na thin a nuam dah lo ding asi.

Na tong mi tinkim in an lo hnihsan ding. Na tumram pawl cu capo nak ah an hmang ding. Na um kha zianghman ah siar loin, na um lo hnuah an lo rel sia ding.

Cui minung pawl lakah “Pawlkomnak kha ngainain” na um rero a si le nangmah le nangmah that aw thawn a bang aw a si.

Hminsin aw “Rualpi ka nei lo” tin riahsia in um hlah. Khau pawl cu an mah pakhat te lawngin an zam. Khau pakhat na si duh a si le mah pakhat lawngih zam ngam nak nei aw.

Mah tei um cu a thokah cu anhai zet a si ding. Asinan a rei tikah na thei leh ding a si.

Mai thinlung kha mah ten uk theinak, zalennak kha na thei ding a si.

Zo mit hmai hman zoh tul loin a dik a si tikih ruah mi tuah theinak nunram cu ziangtluk in a nuam tikha na thei ding a si.

Curuangah neta bikih ka lo cah duh mi cu… zianghman in siar lo nak cabuaiah hmun ngah dingin dil hlah. Cui cabuai ihsin suak aw.

Mah in upat lo tu minung pawl thawi um tlang aiin mai sinak ten umin mah ten din cu “Minung dan” ih nomnak diktak a si.

Ngam zetin ra suak aw. Mah te lawng a sile “Tha nau ding” a silo. “Thazang” pakhat a si ni a thleng leh ding a si.

Crd: original poster