Pope Francis ih November thla le December thla thok lam ih a caan hman ding daan suah.
Pope Francis ih Missa raithawinak caan hman ding daan pawl cu Pope in November thla le December thla hrek tiang tlang a rak than a si.
Pope Francis in tuitum ih a tumtah mi cu tui kum sungih nunnak cem tu Cardinal pawl le Bishop pawl hrangah caan pe in November 4, 2024 zinglam 11:00 am ah St.Peter Basilica ah Missa raithawinak a tuah ding a si.
November 17 ni ah Pope Francis cu tui kum hrangih Motto a si mi ” mifarah pawl ih thlacamnak cu Pathian hnenah a thleng” ti mi a vei 8nak leitlun mifarah pawl ni kha sunloih in a hmang ding asi. Cu mi Missa sumnak caanserh cu zing nazi 10:00 am ah St.Peter Basilica ah a tuah ding a si.
Khrih Siangpahrang ni a si mi November 24 niah Pope Francis in a ngam hnget cia vekin diocese level ih tuah mi lei tlun mino pawl ni khal a hmang ding a si.
Cu mi ni zinglam, nazi 9:30 am ah Holy Father in St. Peter’s Basilica ah Missa raithawinak a hoha in a tuah ding asi.
December thla ih a hmaisa bik caanserh cu Cardinal thar pawl hrangah St. Peter Basilica ah December 7, zarhte ni, zaanlam nazi 4:00pm ah mipi pawl hmaiah hoha in a tuah ding a si.
A thaisun, December 8 ni, The Immaculate Conception of the blessed Virgin Mary, puai ni zing 9:30 am ah Cardinal thar pawl le Cardinal pawlkom pawl thawn Missa sumnak a tuah ding a si.
Pawlpi ih tidaan kel vekin, cui ni zanlam 4:00 pm ah Pope Francis in Piazza di Spagna ih Immaculate Conception hnen upat sunloihnak caanserh a hmang ding a si.
December 12 ni Our Lady of Guadalupe puai ni caanserh ah Pope Francis in zanlam 6:00pm ah St.Peter Basilica ah Missa sumnak hoha in a tuah sal ding a si. Hi mi thu hi Vatican thuthang in kan don mi a si.
