Pope Leo XIV in thuanthu lam thawn pehpar mi tikpan lam hrang hnatuan tu ding sungtel thar a hril mi pawl cu: Italy ram Rome ihsin Prof. Umberto Longo, USA ihsin Francesco Cesareo le Poland ram ihsin Anna Baranska pawl an si.
A luancia kum 70 hnak ih tam khualtlawnnak
Pope Pius XII in kum 1954 ah Thuanthu thawn pehpar mi tikpan (Science) zirhnak hrang ah pontifical committee a rak din. Hi committee cu August 18, 1883 kum ih Saepenumero considerantes ti kawh mi (apostolic letter) Pope ih ca a rak suah mi hmang in Pope Leo XIII in thuanthu lam zirnak hrang ah Cardinal commission a rak din ih cu pawl ih rak fehpidan pehzom vivo ih an din mi a si.
Committee ih hnatuan cu Kawhhran ih retkhawm mi ro thilri, a hleice in Vatican innpi ih an khum mi ca hminsin mi pawl thaten kilkhawi hi a si. Vatican zung ih an khum mi ca hminsin thupi pawl kha fimthiamnak zir tu pawl in tha ten kau sinsin in an theihtheinak ding ah Pope hnenah dil nak tam pi an tuah. Hi committee hruai tu cu Jesui Kaing ih Fr. Marek Inglot a si ih Secretary ah Pierantonio Piatti in a tuan.
Hi thuthang cu Vatican news sung ihsin kan ngah mi thuthang a si.
