Pope Leo ih Angelus thlacamnak ih a sim mi thuthangtha

Ka duhdawt mi u le nau pawl, Zarhpi Ni sunglawi si hram seh!

Jesui’ zirhmi ih a thupibik mi cu Pathian Uknak ih thuthuk a si, tuisun kan siarmi Gospel sung (Mt 13:44-52) ah hlawnthil le lungmankhung thawn a tahthim. Hi mi tahthimnak cun an ruahsannak hnak ih tam a hmusuak tu pawl ih mangbangnak a lang ter. Curuangah an zuar mi thilri hmuahhmuah silole an tanta mi pawl cu sumnak/thawinak  si nawn lo in hlawknak a si sawn. Thungai in, a thokihsin, thuthangtha simtu pawl in Jesuh thlunding ih kawhnak cu el theih lo vek in an rak sim.  Himi cu zalen zet ih duhhril thei a si, asinan hmanhmawh zet ih tuah ding mi le thinlung tak ih sawnleh thei mi khal a si. Hi mi cu Pathian in ziangtluk in in naih ti le a mah le mah theiterawknak ih a thupi zet a mi a si: A Uknak kanton tik ah, nunnak cu leitek lo in a karhzai ter. Kan mah lamsawn ah pakhat khat thlengawknak a um ah cun, kan nunnak cu ih hminsinnak sawn a si. Kan mah lam sawn ah thlengawk pakhatkhat a um ah cun, kan nun ah malte men lawng si lo in thil tumpi titheinak lamzin in on sak a si.

Jesuh in a pahnihnak a thupi tin a hmu mi cu: Lo sungih thuh mi hlawnthil a hmutu cu lothlopa a si men thei, a sinan lungvar cu sumdawng mi pakhat, silole lungvar ih mankhundanzia thei tu khualtlawng mi pakhatkhat a si thei.

A dang tahthimnak pa hnih cu: nga kai tu le a hlun le a thar a thiam zet mi Bible cangan tu an si. A dang tahthimnak pawl cu Pathian Uknak cu sangphut a phultu le a inn thianfai tu, raldo ding ih khawkhannak a tuahtu siangpahrang, donhleisang a tuahtu pa, sumpai khawlnak le sumpai kilkhawi tu, tuukhal le lothlo tu pa ti pawl an si.  A tawizawng in, Pathian Uknak cun a mankhung zet mi a mawinak cu phundangdang in a lang ter, a sinan mihmuahhmuah -nunau le mipa siseh, mino le upa siseh, milian le farah pawl siseh thungaithlak in tharthawhnak ah a ko sal a si. Zokhal in an theithiam thei ih an lung a lutter thei a si.

Tuini khal ah, Kawhhran cu a hramthok in nunphung, thiamnak, tuanvo bang aw lo mi pawl ih komkhawmawknak hmun a si.  Asinan, Jesuh Khrih ah “pumkhat” an si nak kha theithiam ding in kawh mi an si: a mah cu thupmi hlawnthil, man khung zet mi lungvar, a thekdarh mi pawl a kom khawm tu sur a si. A thok ihsin, Jesuh cun ziangtik hman ah pakhat le pakhat thei aw thiam thei lo ding mi pawl kha thei aw ding in a kiang ah a kokhawm. Hi ti in, Pathian in thleidannak a nei lozia kha a hmuh, a hleice in nauhak ( mi nauta)  le tlansan mi pawl hnen ah zalenzet in a duhdawtnak kha a pek.

Ka u le nau pawl, kan tuah ding mi cu, Siangpahrang Solomon vek in Pathian hnen ah laksawng dil ding kha a si. Cui laksawng cu, lungvar ih man a neizia theithiam ding in le thilzuar man ih a hlawhtlin nak theithiam ding hi a si. Thil leitu (a ei tu)pawl ih nun ah a thawtnak in a ciah tuk ih, thilzuar tu pawl cun ziang tik hman ah lungsitnak pe thei lo mi thilri le  ei in thar thar cu a an tuah rero.  A cancan ah cun kan thinlung khal tursia in a khat theu.  Cu ruangah a dik mi man a nei mi thil kha ziang a si ti theithiam ding in kan zir ding. Cui man nei zet mi cu Pathian thawn pehtlaihawknak cun lungawinak in pe ih, khat le khat a famkim mi pehtlaihawknak nei ding ah in bawm.

Fimnak tohkham a si mi Nu Mary ih thlacam sak nak thawng in kan nunnak hrang ih kan saduhthah mi cu Jesu hnen ah thlenghram seh, cuticun famkimnak hmuahhmuah cu Jesuh ah kan hmu thei ding. 

Hi thu cu Vatican News ta a si.