July 23
Sweden khuapi rak kilkhawi tu Mithianghlim Bridget cu Sweden miphun sungin kum 1303 ah a rak suak. Kumhra a ti ah lang nak a hmu ih cuih lang nak a hmuh mi cu Bawi Jesuh cu Thinglamtah parah an ret.
Bawipa, zo in so hitin a lo ti? tin a suh tikah Bawipa in, “Kei mah I hua tu pawl le ka duhdawt nak a duh lo tu pawl an si,” tiah a rak sim. Cu mi ihsin thok in Bawi Jesuh ih zonzaih rethei a tuar nak cu a mai thlarau nunnak ah a thupi zet mi tawhfung ah a cang ta.
Bridget cu innsungsang dinhmun in kum 28 tiang fate pariat thawn nun nuam zet in an um. A pasal a thi hnu ah (Third Order of St. Francis) ah a thleng ih farah nun le thlacam nak pawl a rak zir. A nauhak lai ih a rak hmuh mi lang nak pawl cu Alvastra ih um Sr. upa a si mi Peter Olasune sim dingin cuih a hmuh mi lang nak cun sim dingah a rak forhfial.
A rak hmuh mi lang nak lak ih pakhat a si mi lang nak cu “Bawi Jesuh in cuih St. Francis pawlkom fa te ih um tu pawl cu a tul sam mi tlawng ih an um lawng si lo in, a leng sumpai dang an ngah mi hmuahhmuah khal mifarah pawl bawm nak ah an pek theh.
Mithianghlim Bridget cu Paletsa khuapi ah Pathian biak nak in le a thih tiang Rome khuapi ah a um ih Catholic pawlpi ih nun thleng nak ding khal ah tha a rak pe a si. Mithianghlim Bridget cu nitin ten sual a thlah hnu second tin ah mithmai tha nei ringring tu khal a si. Kum 1373 ah Mithianghlim Bridget cu a nunnak a cem a si.
