July 6
Mino pawl kilkhawitu Maria Goretti cu mifarah lothlo inn sung sangin kum 1890 kumah Italy ram Netto Nai khua kiangah a suak. Kum 9 a kim ah a pa cu tlangrai nat ih a thih ruangah a nu lo ih hna a tuan lai caan ah Maria cu a nau le pawl kil in a nu cu a bawm. 1901 kum ah kum 18 a si mi Alexander ti mi tlangval pakhat cu Maria a mah lawng a um ti a theih tikah an inn sungah cun a luh hnawh. Anih cun a thiang lo mi sual nak tuah dingih a dil ruangah Maria in “Tuah hlah, cuti tuah cu sual a si, Pathian in a duh lo” tin a tiih a el. Alexander in a mai par ih a hnipuan pawl a dir sak tikah a nih cun ka tuar men hnak in ka thi sawn ding” tiah au phah in a sim. A au nak ruangih a thin heng zet mi Alexander cu Maria ih zaang cu nam thawn a dawt ih a tlan.
Maria cu siizungah an hruai ih zangrang zet in an tuamhlawng nan a lak men a si. Nazi 24 rei hnu (a thaizing ah) mithat pa cu a ngai thiam thu a sim ih Maria cu a nun nak a rak cem. Cucaanah a nih cu kum 12 lawng a si lai. Alexander cu kum 30 sung tiang thawng ih a tlak laiah mangbangza langnak a hmuih cu mangbangza lang nakah Maria Goretti cu a nih in a thianghlim zet mi pangpar pawl a rak hlan. Neta lamah cun Alexander cu sual sir nak a ngah ih Maria ih nu hnenah ngaithiam a va dil. Pope Pius XII nak in Maria cu a nui mit hmuh roriah mithianghlim ah a rak ngamhnget. Hi thilcang cu hlanlai catholic thuanthu ah a danglam bik thil cang mi a si. Amai thlacam nak in mangbangza thil mak tampi a cangih cu mi pawl lak ah Alexander ih a nun a thleng nak cu a tum bik mi mangbangza asi.
