Thu Simtu – Rev. Fr. Lucas Tha Ling Sum

Thuluu – Khrih Ah Pumkhat Kan Si (Efesa 2:19-22)

June 23, 2026

Zumtu u le nau,

Tuittum ah Khrih sungah kan zaten pumkhat kan si, timi kan ruatkhawm pei. Baibal catlang kan siar ding mi cu:

Eph 2:19-22

“Cuti a si ruangah nannih Zential mi khal mikhual le ramdang mi nan si nawn lo. Pathian ih miphun pawl thawn a bangrep mi nan si ih Pathian innsang ih sungtel nan si zo. Nannih khal dungthluntu le profet pawl in a hram an phun suak mi parih sak mi inn nan si ve zo ih a kil lih lungphum cu amah Khrih Jesu a si. Amah cu inn pumpuluk a kaikhawmtu a si ih Bawipai biakinn thiangah cangsuak tiangin a tthang tertu cu amah a si. Amah thawn nan pehzom awknak thawng in nannih khal amah zumtu dang pawl thawn Thlarau in Pathian um duhnak inn ah sak cih mi nan si zo.”

Zumtu u le nau,

Pual in Efisas khua ih um Jews pawl le Zential mi pawl hnen ih a thu cah mi hi kan hrangah man a nei ngaingai mi a si. Eph in ummi Kawhhran sungah hin theih thiam lo awknak a suak theu. Nannih cu mikhual nan si; nannih cu ramdang mi nan si, tivek in lungrualnak dawntu ruahnak hih an lak ah a suak phahphah. Curuangah mithianghlim Paul in nan zaten Khrih ah pumkhat nan si; Judah miphun, Zential miphun tivek thinlung ruahnak nei nawn hlah uh, Khrih ah pumkhat nan si zo, tiah ca a kuat hai.

Hitin fiangten a sim:

4:31-32 Pakhat le pakhat hauh awknak, zomtaih awknak le huatnak thinlung malte hman nei nawn thlah uh. Cupawl ai ah pakhat le pakhat zangfah thinnemnak nei ton aw uhla, Khrih thawng in Pathian in a lo ngaidam bangin pakhat le pakhat ngaidam aw uh.

Cun thianghlim Paul in thupizet ih a sim hrih mi cu,

2:14 Ziangah tile Judah mi le Zentail mi cu pumkhat ah in tuah zo ruangah Khrih amah rori cu kan daihnak a si.

Cemnak

Christian/Kawhhran tthentthek tertu si lo dingin zuam ciau uh si.

Kawhhran tthentu si lo dingin zuam ciau uh uh.