Tumram thleng dingin mi ih mithmai kha zoh hlah uh mai lamzin kha ding ten feh sawn aw.

Hlawhtlin nak ngah dingin miih ttong pawl kha ngai hlah. Mai thencat mi thu kha hnget zet in pom aw.

Kan hmailam thanso nak ding hrangah miih um daan kha ruat paih hlah. Tuah tul ti ih ruah mi thil kha ngam zet in tuah sawn aw.

Tong tam sile a aa maw si tin mi an ruat. Tong lo ih um sile a hngal tin an ti lala. Mithmai pan ten um sile a daithlang tuk tin mi an ruat. Dai te ih um sile a si nak sang awk ter tin mi an ruat.

Curuangah mai dinhmun cu mah in a thei bik. Midang naa ter lo in mah remcang vek ih um thiam kha a tul asi.

Midang an bah sile lainat nak thawn tho ter sal aw. Mah bah sile cu mah ten tho sal thei dingin zuam aw. Ziangahtile kan thinlung vek cu midang in an nei theh lo ding.

Mizaan ti mi cu a liam cia zo. Thaisun timi kha zaanmang pakhat men asi. Tuisun ti mi lawng hi nunram ngaingai a si. Nunram ti mi cu nuam le tla nikhat nuam lo le tla nikhat tho tho asi.

A tha bik si ding in ziangtin ka tuah ding ti mi cu mai par lawng ah a hngat aw asi. A tha bik mi minung pakhat si thei hrih lo hman ah mah le mah bum awk pang hlah , zum nak hlo hlah aw.

Mai hrang ih zum a tlak bik mi cu mah thotho lawng asi.

Credit: To Owner with respect