Pope Leo cu Barcelona’s El Raval ih St. Augustin Biak inn ah a thleng. Cuihmun ah cun an mah Augustinian puithiam pawl Filipino 2 le Yanzanian pa 2 in an rak hmuak.
Antoni Gaudi’s in Barcelona ah Sagrada Familia Basilica Biakinn pi a run sak hnu in a tuih kan parish Baiakinn St. Augustin cu hitawk khua ih um mi pawl in Mifarah pawl ih biakinn tin duhkawh hmin a pek. A sullam cu a thuk zet ko. Ziangahtile, hi mi St. Augustin parish hi kum zabi 18 sung rei mi farah hnatuan pawl rak bawmtu/riantu a si. Hi hnatuan hi tuisun ni tiang in pehzomh in kan tuan. A si nan tui kan tuan mi a phunlamdan nak cu, ramdang ih sin a ra mi: Asia, Latin America le saklam Africa ih sin mi ravai pawl ih an tulsam mi pawl kan bawm mi hi a si tin Fr. Paul Samusamo in a sim .
Catalonia ih um St. Augustinian pawl
Fr. Dennis Pineda cu Catalonia Peng ih um mi Augustinian community ih an u pa a si vek in Badalona ih St. Roc parish ih Rector khal a si. Cun Barcelona’s Raval pengthen ih um mi Augustinian (Gaing) phun li pawlkom hotu khal a si. Fr. Dennis cun an mah Augustine Tinkaing sung ih sin hril mi Pope Leo ih a ra tlawn mi hi a lungawi nak pi bik a si tin a sim. Cun kan ni cu mivai mi kan si, mivai pawl ih tulsam mi pawl riantu khal kan si tin, a sim bet.
Nunphung phunphun umnak parish
“ Tui kan Parish cu Barcelona khuapi ah miphun dang dang um nak hmun pi a si vek in nunphung lam khal ah a phunphun um nak hmun pi asi.” tin Fr. Dennis in a sim. An mah pawl hrang ah Caholic zumhnak lam ah pumkhat si nak le a dang puai tla an tuah thei nak ding ah tin Biak inn hmun hmanthei nak tla kan pek. “Pumkhat sinak ti mi cu kan mah Augustinian pawl ih kan sinak , kan kenmi (Identity) a si.’’tin Fr. Dennis in a sim. Kan Parish kutsung in pawlkom pa hnih a si mi Filipino le Latin American ; Bolivian, Peruvians, Paraguayans le a dang pawl an si.
( Nunphung le Biakkhawm nak)
“Hi tawk kan parish ah cun , ramdangdang ih sin a ra mi pawl an mah le miphun tong cio te in siseh, an khua le ram pi ih an tuah theu mi puai pawl( mithianghlim) ti vek siseh an tuahthei nak ding in tiah , an mah ten thlakhat vei khat Pathian biakkhawm nak tla kan Biakinn ah tuahthei ding in caanser hman thei nak kan sian/pek . Ziangah ti le, zokhal mai khua le ram tan in ram dang kan um tik ah mai umnak khua le ram ngai lo kan um lo timi kha kan theithiam pi ve ti mi kan lang ter duh san nak a si.” tin Fr. Dennis in a sim. Cun kan parish ih Pathian rian tuan tu Mother Theresa Kaing Sister pawl ih The Soup Kitchen ( mi farah pawl nitin minung zali hrawng rawl an do mi thu tla a tarlang ih an mah khal in an bawm phahphah) tin a sim.
Pope Leo cu mai ram tan in ram dang ih um mi mivai pawl le mifarah pawl parah zawnruahnak nei tu a si vek in , hiti vek ih in ra vehlen nak thawng in Barcelona ih um mi Catholic pawlpi khal in ziang ziang kan tuah khal ah minungsinak ah pumkhat kan si ti mi a thupit zia kha in cingkeng ter ring ring ding tin rauhsan nak ka nei tin a sim bet.
Himi thuthang cu Vatican News in kan don mi a si.
