May 3
Dungthultu pawl an si mi mithianghlim Philip le James ih puai ni cu kum 563, Rome khuapi ih um mi Biakinn pi cu cui mithianghlim pawl an ap can ih sin thok in an hmang tlang. Mithianghlim Philip cu Galilee ram Besaida khua mi a si ih Baptism pe tu Johan ih dungthluntu pakhat a si. Bawi Jesuh dungthluntu dingih kawh nak an ngah hnu ah rundamtu dingih kawh nak an ngah hnu ah rundamtu Messiah a hmuh zo thu cu Nathanael a sim. Asinan, Nazareth ti mi khuafate in thiltha a suak thei pei maw? Tiah Nathanael in a rak ti. Curuangah Philip in, “Ra aw la ra zoh aw” tiah a ti. Cu mi cafang cu Jn 1:43-46 ah kan hmu thei asi.
Miburpi hmuk a zem lai ah Philip in, “Mi pakhat in malte fingfing co ding hmanah mi hizat ih ei dingah cun ngun tangka zahnih man lei hmanah a daih lo ding,” tiah a ti. Netabik zan riah ei puai ah Philip in Jesuh hnenah, “Bawipa, na Pa cu in hmuh aw,” tiah a ti. Jesuh in, “Philip, nan hnenah caan reipi ka um zo naiin a tu tiang in thei hrih lo maw? Zokhal kei mah i hmu tu cu ka Pa a hmu zo,” tiah a ti. Hlanlai daan ah Philip cu Asia Minor ah Phrygia le Hierapolis pawl hnenah Pathian thuthangtha a sim ih cu tawk ah thinglamtah par ah thah a rak tuar asi.
Mithianghlim James a si lo le a nauta bik cu Alphaeus ih fapa asi. Marku 3:18 ah, a mah cu Bawi Jesuh ih sungkhat asi, tiah a um. Mt 13:55 ah, a mah cu Jerusalem pawlpi ih a hmaisabik Bishop asi ih mithianghlim John ih Cathianghlim tla a rak ngan. AD 49 ah, Jerusalem ih Puithiam can nak ding thurelkhawm nak ah Christian zum nak cu a rak pom ih a zum tu Juu miphun a si lo mi pawl vun zim tan a tul lo thu kha pawlpi ih thurelcat nak cu mithianghlim James in a rak than.
Mithianghlim John cu Pathian a duh nak ruangah “Zumnak hngek tu” tin an rak ko. Caesaren in hlanlai mifim Eusebius in, “Mithianghlim John cu catbaanglo in thla a cam theu ruangah a khuk pawl cu kalauk pakhat ih khuk vek in a cang,” tiah a rak ti.
Hlanlai daan ah Bawi Jesuh cu rundamtu Messiah asi tin a rak phuan ruangah, AD 62 ah Biakinn par in an tul thlak ih lungto thawn an rak deng. A thih zik te ah a mit a hun meng ih vancung ah zoh tahratin “Aw Bawipa ka Pathian, in ngaithiam hram aw, ziang an tuah ti an thei lo ruangah run ngaithiam hram aw,” tiah a rak ti.
