Mithianghlim Peter Claver (September-9)

          America ih um Nigaru miphun pawl kilkhawi tu Peter Claver cu kum (1581) ah Spain ram Bardu khua ah a rak suak. A mah cu hmun thar ih missionary hna tuan dingah tumtah nak thawn a kum (20) ah Jesuit kaing ah a rak lut. Kum rei lo te ah Colambia ram Katarkhyina khua ah an rak thlah ih cuih hmun ah siangbawi a rak ngah. Cuisin thok in dungthluntu si nak ih a hnatuan cu Africa in sal hna tuan dingah mirang pawl ih ram thar ih rak kawh mi mifarah Nigaru pawl hrangah a rak ap aw. A mah le mah Nigaru pawl ih hnenum a ti aw tu Peter Claver cu Pathain thu an hnen ih a sim hlan ah sii pawl le ral a pek hai. A bawm tu siangbawi hnen khal ah mifarah pawl kan kaa thawn kan sim hlan ah tuah nak thawn kan tuan hmaisa ding tiah a ti.

A mai nun khuasak nak lam tluan ah sal tingthum ai ih tam tikholh nak sacramentu a rak pek a si. A mah cu nikhat ah nazi (15) rei sual thlah nak a rak tuah ih biakinn lawngah si lo in dawr khal ah Pathian thu a rak sim. A mah cu Tarkagina thawng ih um mi thawngtla pawl ih thlarau hrang khal ah a rak tuah sak. Cuihmun ih hna a tuan laiah thlarau lam tul sam mi a tuah sak ta lo mi an um lo. Peter Claver in a mai netabik caan cu farah tak in a liam pi ih kum (1654) ah zohman ih tuam hlawm lo in a rak thi. A nunglai ih a rak tong mi cu “Kei cu laak pakhat ih um daan cawn ka duh, a mah laak pakhat a si ruangah ziangtik can hmanah zawi sual nak thu hman a rak dah lo. Curuangah Bawipai riantuan tu pawl tla cuvek si a tul” tiah a rak ti.