Equatorial Guinea ih Bishop pawl in Pope Leo ih a ratnak cu ‘Pathian ih pomnak pakhat vek asi’ tiah sim. (April 10, 2026)
Equatorial Guinea ih Bishop pawl in mitin in Pope ih a tlawnnak kha “lungawi caan asi”tiah hmuak dingin an rak sawm. Hi mi cu mipi pawl hnen lungthlennak, lungrualnak le ruahsannak pawl a thangter ding tiah an sim. A tui harsat caan karlak ah thlarau lam nunram tamdeuh in hnget ter ding khal ah an rak forhfial.
Pope Leo XIV ih Africa a Tuu khal kual tlawnnak ih a cemnak ah 2026 April 21-23 tiah tuah ding mi Equatorial Guinea ah a feh hlan zarhhnih zikte lawng a duh thlang. Hi caan ah cui hmun ram ih Pawlpi pawl in thlarau lam timtuahnak an tuah nasa ih Puithiam pawl riantuannak kha tharthawh in thangso nak tuah dingah le Pathian ih miphun pawl ih zumnak kha a thar in thangphawk nak ah phun hnih in an rak sawm.
Hi din hmun ah Bishop pawl in thinlunglam um daan ngaihsak dingah a thupit thu an rak sim. Thlacamnak in thlarau lam nun ram cu “rinhnget zet mi Puithiam nunram pawl a si thei thu an rak lang ter. Pathian thawn nitin pehthlaiawknak a um lole riantuannak pawl cu tha a nau ding tiah ralrinnak an rak pe. Cangvainak luantuk lole a lenglam lawng sinak pawl ih hipnak kha dokalh in apostolate Pathian hnatuannak zaten a thuk mi thinlung sungin a suah a tul thu an rak sim. Hi a thupi mi thil kha kan mah pawl in belsung ih kengnak thawngin thuneihnak cu Pathian hnen lawngin a si thu langsar ter dingah asi” ti khal in an rak langter.
A ralai dingmi Pope Leo ih Tuu khal khual tlawnnak cu thuanthu lawngih tang ding mi a si lo ih a hman mi Kairos- thlawhsuah tik cu caan a si thu an lang ter. Hi mi cu mai nunram check sal in zumnak kha a thar in remdaih din dingah le ruahsannak in hmailam ah feh dingah caan tha a si. Curuangah Puithiam pawl cu zumtu pawl hnen Christian nunram ih a thupi zet mi Khrih thawn tonawknak kha hawl sal dingah an rak sawm ih cui Khrih in nunram ah lam a hmuh ih a thleng ter tu tleunak a si.
“Kan mah pawl cu tleunak pe dingah kawh mi kan si” tiah Bishop pawl in sunloih aw zet in an rak sim. Zumnak kha mai kaa lawngih tetti khan dingah asi lo. Nitin nunram ah thudik, riantuannak le duhdawtnak pawl thawn a ngai ngai ih hmuhton mi nunram ih riantuannak pawl thawn langter dingah a si tiah an sim.
Pope Leo ih thlennak ding cu “Pathian ih pom nak cohlang dingah” caan tha pakhat a si vekin Equatorial Guinea ram mi pawl karlakah pehtlaihnak a thar in din dingah khal a si thu a thar in ralrinnak an rak pe. Thusuhnak an neih mi cu hi mi Pope ih Tuukhal khual tlawnnak theh in kan pehtlaihnak a tha deuh pei maw? tiah thu suhnak an rak nei.
Hi mi timtuah lai caan ah mipi pawl thlacamnak tamdeuh in nei dingah, Missa raithawinak sungah a hleice in thlacam dilnak nei dingah le hi tuukhal khual nak ih a san thei dingin sim dingah an rak sawm.
A netnak ah Equatorial Guinea ih Pawlpi in Pope hmuak dingah tim an tuah ih Christian nunram thar sal ter dingah mission hnatuan nak hnget ter dingah a hleice in harsatnak karlak ah ruahsannak kha a thar in din dingah caan tha pakhat asi tiah an hmu.
Leitlun ih tleunak a si mi Khrih kha ruahsan in ram pumpi hnen ah Pathian hngilh lo dingah le nunphung pawlkom sungih thok in a thleng ter thei mi nunnak hawl dingah Bishop pawl in an rak sawm. Hi mi thuthang cu Vatican thuthangin a tawizawngin kan ngan mi si.
