US Vice President JD Vance in Catholic Biaknakah a zumnak thuhla ngan mi ca-uk suah ding. (April 2, 2026)
American Vice President JD Vance in a mai Catholic ih a zumnak thuhla ngan mi cauk thar “Communion: Finding My Way Back to Faith” ti mi thuluu in 2026 June 16 ah a suah ding thu a rak than. A mai X (Twitter) parah hi mi cauk cu a mai Catholic zumnak ih a thlennak a mai runram thu kha thukzet ih a ngan mi memoir a si tiah arak sim. Hi mi ca uk hi tikcu rei nawn ka rak ngan ih a tu netabikah famkim ten ka suah thei ding cu ka lung a awi” tiah a rak sim.
Cauk suahtu cu HarperCollins a si ih 2016 kum in ca uk suahnak lam ih hminthang a mai cauk “Hillbilly Elegy” khal a rak suah tu pawlkom a si. Hi mi ca uk ah cun a nunram then phunphun asi mi a nauhak lai, a thangthar lai, Pa dinhmun a sinak, ramkhel lam ih hruaitu dinhmun ih nunram, Pathian parih a zumnak le Pathian a theih daan pawl a langter. Hillbilly Elegy cu leitlun ah cauk copy 5 million luan a rak zuar theitu a hminthang zet ca uk suahnak a si.
A mah in “zumnak ka ngah sal nak nak cu a hlanah ka rak sun zo ruangah a si thei” tiah a sim ih Christian zumnak in ka nunram ah tampi a thleng ter ti khal in a rak sim. Ka nauhak laiah ziangah Christian zumnak ah ka rak hnget lo tiah ka rak ruat nan Pathian ih zaangfah nak thawn Biakinn ah ka thleng thei sal ruangah ka lung a awi” ti khal in a rak sim.
Vance in hi mi cauk cu a mai hmuhton mi lawng silo in minung tampi hrang khal ah duhsan tampi a neih ter duh thu thupit in a rak sim. Christian ka sinak ih zumnak cu Jesuh ih zirh mi kha a hman a si tiah ka zum ruangah asi. Kan khualtlawnnak ka hlawmnak in Pathian thawn pethlaih aw duhtu Catholic a si ah, Protestant a siah, a dang biaknak an si khal le bawmnak pek ka duh ti khal in a rak sim.
Harper Group ih President a si mi Jonathan Burnham khal in hi mi memoir cu zumnak, pehtlaihnak le nunram ih a san hawl tu pawl hrangah a that hnempi zet ding mi ca asi thu a rak sim. A mah in rinhlelnak, zumnak le santhar America minung nunram ih thlarau lam ih thusuhnak pawl kha langsar ih pho lang mi tharthawh ter tu ca pakhat a si tin a rak sim. Hi mi thuthan cu Shalom news world in kan ngan mi asi.
