Tlawngkai ni nga sun ih tuah mi nitin Synod thu simfiangnakah Dr Sheila Pires in hi thu ih a thupi mi cu Pawlpi sung lawng silo in Pawlpi le Leilungpi karlak ih pehtlaihnak a ngaihsak thu ngamhnget in a rak sim.
Hi ngaihsak cu zumnak, zoh tlang theinak le lungrualnak parah hram bun a tul tiah a mah in thupit in a rak sim.Dr Pires khal in Christian pawl cu mission hnatuannak hrang ttetti khan nak in timtuah in pawlkom din a tul thu Cardinal Hollerich ih nasa zetih a simnak parah hminsin in ecclesial thei thiamnak pawl cu thu ruah cianak lam tidaan pawl ah thusuhnak pawl thawn a thenthek aw tiah hminsin in a rak sim.
Fr Radcliffe in Bawi Jesuh ih daite umnak cu natnak tuartu pawl ih aunak aw kha ngai sak dingah le tui ni kawhhran pi ih ton rero mi a hnaihnok zet mi thusutnak nak pawl ti fiang dingah Pawlpi ih a zuamnak pawl hrangah zoh thimtlak a cang ter tu malte sungah thukzet in a ngai sak ih a lang ter thu Fr Radcliffe in a sim.
Dominican zirhtu saya ih ruahnak ah bangran ten umnak le bangawk lonak karlak ah a pehpar awknak thawn thusuhnak khal thupit in a lang ter. A thupi bikin Baptisam sang zo tu ih kiangkap ah a bangaw lo mi pumcawmnak pawl le ti daan pawl khal a tel tiah a rak sim.
Netabikah ngaihsaknak le thlacam ringring dingah a tul thu, hmakhat te ah ruahkhung tul lo mi sannak pawl hawl dingah forhfialnak pawl kha neh thei dingah a thupit thu a mah in lamhmuh in a rak sim.
Fr Radcliffe in Canan nunau nu parih Bawi Jesuh ih lehrulhnak cu tlaitluannak le a bang aw lo tu pawl hrangah cohlannak kha a langter tiah hminsin in a rak sim.
Hi mi thu simfiangnak ah khual lian pathum khal an tel ih Cardinal Joseph Tobin, C.Ss.R, of Newark, USA, Dr Giuseppina De Simone cu Europe aiawhtu a si mi thurel nak ih riantuannak ih tetti, Australia Sandhurst ih Bishop Shane Mackinlay pawl tla an tel.
American Cardinal cun thurelnak ah thlacamnak le remdaihnak hrangah a thupit thu a rak sim ih a tui tuah rero lai mi Synod ih a veihnihnak thurel tlangnak ah theologian pawl le Canon daan pawl vekin thiamnal pawl ih thu lam kha sawhkhih in a rak sim. hi thuthang cu vatican thuthang in a tawi zawngin kan ngan mi a si.
