Singapore ram ah tuikum Easter puai ah Catholic ih lut tu ding mipum tam. (March 25, 2026)
Kumhra rei hnuah Singapore diocese ah zumnak lamah duhnak a neitu an tam thu an langter vekin in Catholic ah a lut duhtu minun 1200 luan in Pawlpi ah lut dingah timtuahnak an rak nei.
Singapore ih Catholic Pawlpi cu a ralai ding mi Thosal puai ah kan dung lam kum hra sungah Catholic ih lut ding a tam bik kum a si ih cohlang dingah timtuah nak an rak nei asi.
OFC (Office for Catechesis) ih simnak ah catechumens ( biaknak ih lut dingah Pathian thuzirnak a nei tu) 978 mipum le dilnak a nei tu 155 mipum pawl cu February 21 le 22 ni ah the Immaculate Heart of Mary Biakinn pi le Christ the King biakinn pi ah tuah mi mirang ttong hmang in Missa raithawinak ah lungthlengin Pathian ih hrilnak le khawhnak pehbet ding ah caanserh sungah an rak tel.
March 1, 2026 ni ah Mandarin tongih tuam mi Missa raithawinak caanserh ah Catholic ih lut dingah tim a tuah rero tu minung 111 le dilnak ca a thunlut tu minung 6 pawl an rak tel. Catholic news Singapore ih an simthannak ah OFC Catechetical director a si mi Fr Terence Kesavan in zumnak ti mi cu a cemnak ah Pathian ih cangvaih thoknak par ih minungih lehrulnak a si thu a tel tu pawl hnen ralrinnak a rak pek.
“Nanmah pawl cu Biakinn ah ra in Pathian le zumnak thu tamdeuh in zir dingah hrilnak nan rak nei” tiah a rak sim. “A sinan tuini ah cun kan mah pawl cu Pathian ih hrilnak kha a hleice in kan rak lawm. Pathian in nanmah a lo hril a si.”
Cuitlunah a mah in zumtu pawl hnen Lenten season ti kawh mi Ulhcaan ah a menmen ah cun tangdornak le thungainak tikcu caan pakhat ti lawngin hmu lo in thinlung thlarau thleng dingah caan tha pakhat dinhmun ih hmu dingah a rak forhfial.
“A thupi mi cu hi nuncan pawl in Pathian ih duh mi minung sidingah kan mah pawl kha a bawm maw ti kha a si tiah a rak sim.
Catholic News Singapore ih an tarlangnak ah Cardinal William Goh in amai thuthangtha simnak ah Catholic ih a luttu ding pawl cu nitin Bible ca siar in Pathian thawn pehtlaihnak kha tamdeuh le thuk deuh ih thei dingah tha a rak pe. Nanmah pawl cu zumnakah hnget deuh nan duh le nitin a malbik minutes 30 kha Bible cathianghlim siarin ruah nak caan pek a tul” tiah a rak sim.
Catholic ih lut dingah tim a tuah rero tu sungih kum 55 a si mi Academe in Dr Susanna bay khal a tel ih a mah cu Protestan biaknak ah a rak um nan Catholic biaknak ah lut dingah ka thinlungah reipi a rak um rero tiah a sim.
Catholic biaknak sungih rualpi pawl ih thapeknak le kutsihnak ih timtuahnak pawl ah a rak tel mi a hmuhton mi pawl ruangah netabik ah cun a nu thawn Rite of Christian Initiation of Adults (RCIA) ah a rak tel.
A dang pakhat Kawhhran sung lut dingih tim a tuah tu pakhat kum 22 mi mipa pakhat Mr. Wang Xi Heng cu a hlanah cun Tuluk ram in a si ih nunphung thar thawn pehtlaih dingin a zuam laifangah a hnatuannak nu hnen in Catholic zumnak kha a rak hmuh daan thu a rak sim.
A thoknak ah cu Missa sumnak caanserh cu theih thiam a har zet” tiah a sim. “Asinan a rungrei deuh tikah kan hrangah thazaang ih ngah ter tu a hrampi pakhat ah a rak cang” tiah a sim.
Fr Kesvan in a ngaingai in zohfelnak a um thluh hrih lo nan mipum a tamnak cu a thangharh mi thuthangtha simnak le a hleice in mino pawl lak ih tuahnak, cuihlei ah 2024 kum ih Pope Francis ih Singapore a Tuukhal khual tlawnnak ih thathnemnak thawn a pehpar aw thei tiah a rak sim.
“Catholic Pawlpi ih Pathianthuthangtha simnak, thasuahnak pawl ihsin minung pawl cu an rak tongih Khrih kha thlun duhnak thinlung an rak nei a si: tiah a rak sim. Archdiocese of Singapore cu Easter Thosal puaipi a nai vivo vekin zumtu thar pawl hmuak in cohlang dingah timtuahnak an nei a si. Cu mi pawl pakhat ciarah zumnak, lungthlengnak le ruahsannak pawl thawn a khat mi mahfek thuanthu an rak nei cio a si. hi mi thuthang cu Vatican thuthang in a tawizawngin kan ngan mi a si.
