Minung pawl kha ngaihdam a ngah. A sinan ziangtin in tuah dah timi cu ziangtik hman ah ka hngilh dah lo ding. Ziangah tile mihrek khat cu mai zawn lawng ruat tu an si.

Saya pakhat ih a rel dah mi cu mipakhat ngaihdam ding ti cu khatlam mi sawn in a sual nak kha ka sual ti a theih lawngah ngaihdam a ngah. Sual le sual lo tla thei lo tu, mai tuah mi par ah sualsir lo tu cu ngaihdam a ngah lo. Dungtun sawn ding asi.

Mipakhat ngaihdam nak in mah le mah nuam awk nak lamzin in ong sak tu asi. Curuangah ngaidam nak thinlung cu nunram hrangah a thupi mi asi.

Ngaihdam timi cu khatlam mi ih sual nak kha a dik tin kan pompi ti nak a si lo. A ngah ko zianghman asi lo tin kan tuar mi pawl hmuahhmuah kha kan hngilh ti nak khal asi lo. Caankhat caanhnih ah ngaidam nak cu nehhnu a mah thawn kan pehpar awk paih nawn lo ti mi duhsan a neih caan tla um.

Thungai cun a sualnak a thei tu cu ngaidam ding an phu asi. Sim duh mi cu sual nak kha a sual ti khal thei cuang lo tu minung pawl thawn ton awk tikah mah lawngih ngaidam ti vek tla a um theu.

Thinlung tha lo pawl cun mai sual nak kha pom duh lo in a tuartu hnen sawn in lungawi thu an sim ding kha an hngak sawm theu.

Cu pawl ih tuahdan cu a tha nan ngaidam rero hnak in dungtun ding kha a tha sawn asi.

Midang ih meisa ur mi ruangah kang pang lo ding kha a thupi. A dik, a dik lo ti kha el hlah, Leitlun ah el a tlak lo tu minung tampi an um.

Curuangah ngaidam aw. A sinan hngilh hlah. Na that lo ruangah silo in na danglam ruangah asi. A lo hua tu pawl tampi na kiangkap ah an um lai.

Credit: original poster