Washington D.C ih National Catholic Prayer Breakfast ah Jonathan Roumiei (Jesuh Zuk nung lemcan thiam) ih sim mi thutawi. (March 20, 2026)
2026 kum National Catholic Prayer Breakfast caanserh ah minung thawng tampi cu Washington D.C ah an pumkhawm aw ih rampi thuanthu ah kum 250 an kimnak ah zumnak thawn a khat mi lungrual nak tawkfang pakhat dinhmun ah an thleng thei. Khuapi ih a laifannak ah Catholic pawl cu a hlan thu lawng vun ruatsal lo in kumkhua nunnak lam ah hoih in American ih nunram ah Pawlpi umpi nak tetti khan ruangah lungawi dingah hmunkhat ah an rak komkhawm aw. Thusim tu pawl lakah Jonathan Roumie (Video ih Jesuh dinhmun tuantu) a tel ih a mai tongnak cu thathawhnak le thinnemnak pawl an si tiah an sim. Pathian ih zaangfah lainatnak thu a simnak ah Pathian ih duhdawtnak cu naite ah a um ih a cem thei lo ih a cawl thei lo mi kumkhua hmun mi a si thu a rak sim. Cu mi cu ziangvek thinnatnak, phurrit ih nennak pawl a silole a hlanah rak um hman sehla mitin hrangah a rak hngak ih an kawh tikah zamrangten a ra ih mi a bawmtu duhdawtnak a si.
The Chosen ti mi Video zuknung ih lem a can dah nak ih a hmuton mi a zohsal tikah thosal puai ih zonzaih harsatnak pawl pah thei nak cu a thinlung sungah a hlo thei lo mi hmuhtonnak pakhat a tangih zaangfah lainatnak in cem ni a nei lo thu kha tamdeuh in I thei ter tiah a rak sim.
Cuihleiah a lemcannak pawl cu Pawlpi ah thehdarh in pholang tikah a thupi zet mi hmuhnak pakhat si ih minung pawl ih thinlungah a thupi zet mi lamhmuhnak pakhat a si. minung pawl ih thinlung sungah a cangvai ter ih Jesuh hnen ah mi a naiter thu a rak sim. Netabikah Jonathan Roumie in cui hmun ih a khawm aw tu minung 1400 zikte kha Pathian ih a cem thei lo mi zaangfah lainatnak sungah mah le mah ap aw dingah a sawm ih Divine Mercy Chaplet kha bangran ten cam tlang dingah a rak thangphawk.
Hi National Catholic Prayer Breakfast cu 2004 kum in Pope John Paul II ih “New Evangelization” ih sawmnak kha tuan in lehrul dingah a rak din thok mi a si ih tui ni tiang thlacamnak, ruahsannak le lungrualnak ih a mawi zet mi tetti khan nak ah pehbet in a um ih Pathian a hawl duhtu pawl le rampi hrangih thlacam duhtu pawl zaten sawm an si tiah a rak sim.
Hi thuthang cu SW news in a remcang thei bikih kan ngan mi asi.
