Pope in raldonak ih tuanvo neitu Christian pawl mai thinlung sungih ruahnak kha nan zohfel sal maw? tiah sim. (March 13, 2026)
Pope Leo in kan dung tlawngkai ninga ni ah Apostolic Penitentiary ih kumtin tuah mi a vek 36 nak Internal Forum ih a teltu pawl thawn tongaw in thurel tlangnak an rak nei.
Hi mi thuzirnak ah Puithiam pawl le seminarian pawl hrangah sual thlahnak sacrament thawn pehpar in repi zirnak an nei ih a cemnak ah Pope thawn tonawknak in caan an rak hmang.
Hmailam ih sualthalh ngaisak tu ding pawl hnen thu a cahnak ah Pope Leo XIV in sualthlah nak in minung pawl ih innsangah remdaihnak le lungrualnak a suah ter thei thu a rak sim.
Sualthlahnak in minung pawl kha Pawlpi thawn khat le khat lungrualten nung dingah a zirh ih thinlung sungih rualremnak kha a thar in a dinsalnak parah a bun aw.
Pathian le Christian Pawlpi karlak ih lungrualnak cu minung miphun karlakah remdaihnak ngah dingah hram a bun thu Pope in a rak sim. Khat le khat thatnak thawn lungrualnak lawngin riamhrei tel lo in le tuahmawhnak um lo ten a nung thei ding tiah pehbet in a rak sim.
Pope in mai sinak le hngalnak kha thahphoih in Pathian ih ngaidamnak in mah le mah remawk salnak a ngah mi Christian pawl cu nitin nunram khat le khat thatnak kha a kuat aw tu ah an cang theu tiah sim.
Pathian ih zaangfah nak ruangah Pope in Christian pawl cu mai sungih a um mi a tul mi ruahnak kha a sang ih a bawm, mai sungih a thuk zet mi duhnak pawl kha tha zet ih a rem theitu cu kan mah si lo in Khrih a si thu ralrin peknak a si ih san a nei mi thusuhnak pawl a rak lang ter.
Pope in Pathian cu kanmah pawl ruun dingah minung dinhmun ah a rung cang ih kanmai biaknak lamih ruah nak pawl le cawllo in duhnak nei dingah in zirhnak in a mai mangbangza kha in cohlang ter asi.
Pope in sualthlahnak cu Pawlpi ih tuahtheu mi Pathian thulam thawn a peh par mi a si vekin kum khat ah veikhat a malbik cohlang dingah a tul thu a rak sim.
Asinan Pope in a sim mi cu minung dinhmun in Pawlpi ih laitek nei lo mi thlawsuah ah tu le tu thleng thei lo in zumnak le thinlung thianfainak thawn sualthlahnak ah feh in Bawipa ih zaangfahnak cohlang dingah an tuah tum lo.
Pope Leo XIV nak in a tu le hmailam ih Puithiam cangtu ding pawl hnen sacrament of reconciliation (sual thlahnak) ih sin Pathian ih sualngaidamnak pe dingah tuanvo tum zet an neih thu ralrinnak a rak pe ih sualthlahnak ngainak ih hminthang zet mi Puithiam pawl sungin St.John Mary Vianney, St. Leopold Mandic’ netabikah St. Pio of Pietrecina le Blessed Michal Sopocko pawl kha tahthimnak ah langsar in a rak sim.
Pope ih a simnak ah Sacramental Confession in mai thinlung sungih lungrualnak kha a than ter vekin Pawlpi khal a thanso ter ih minung pawlkom le tuantlangnak in thil ti theinak thazaang thar khal a pe thei. A cemnak ah Pope in khat le khat parih a thatnak tuahnak in “rinsanaw zet in” sualngaidamnak kha mah rori cohlang dingah tha a pe ih cu mi pawl cu Pathian ih thlasuah coter tuah a can ter ih a cui thlawsuah ih a hmaisa bik thathnemnak ngah tu ah a can ter tiah a rak sim. Hi mi thuthang cu Vatican thuthangin a tawizawng le a rem ding zawngih kan ngan mi a si.
