Pope Leo XIV in “Iran ah hriamhrei aw dai hram seh” tiah sim. (March 8, 2026)
Zarhpi ni Angelus thlacamnak caanserh ah Pope Leo XIV in St. Peter Square tualrawn ah a ra khawm awtu zumtu pawl minung 15000 pawl hnen “ bom buak aw pawl dai thlang hram seh, hriamhrei aw pawl dai hram seh, mipi pawl ih aunak aw a thei mi thurel tlangnak hmun pawl ong hram seh” tiah thlacam dingah a rak sawm.
Zarhpi sun ih St.Peter tualrawn ih thlacam thehah Pope Leo XIV ih sim mi cu nisuahnak a laifannak hmun lam duhsan in a rak sim. Cuihmun ih “thinpan za a si mi thuthang pawl pehbet in a thang rero lai a si” tiah a rak sim.
Pope Leo XIV in St.Peter tualrawn ih a ra khawmaw mi khawmzawh tu minung 15000 hranghnen a rak simnak ah Iran le a kianghmun tluan ih a cang mi “ ralbuainak le thilsiat mi pawl hleiah “ huatawknak le tihphannak pawl a karh vivo thu a hleice in sawh khih in a rak sim. Pope Leo in cuihmun ah buainak a sosang vivo pang ding khal ah a phan thu a rak lang ter.
Pope Leo in cui ralbuainak ruangah a kiangkap ram pawl a hleice in “a duh zet mi Lebanon” cu pehbet buainak a sosang vivo pang ding ti khal in thupit in a rak sim.
Cuihlei ah Pope in Bom buak aw pawl cawl dingah hriamhrei aw pawl dai dingah le khatlekhat aw a thei thei mi thurel tlangnak hrangah hmun pakhat , on thei dingah” thlacam cio dingah mipi pawl hnen a rak sawm.
Pope Leo in a thlacamnak cu “remdaihnak Siangpahrang Bawinu a si mi Maria hnen a rak ap” thu a sim. Cuihlei ah ralbuainak ruangih nasa zet a rak tuartu pawl hrangah Maria ih thlacam dingin dil ngen dingah le minung pawl ih thinlung ah rualrem awk salnak, thureltlangnak le ruahsannak lamzin ah lam hruai dingin thla a rak cam.
Zarhpi sun Angelus thlacamnak theh ah Pope Leo XIV in nisuahnak a laifannak ih buainak dinhmun parah “ na pin a thin phan” thu a rak langter.
Pope Leo in a sim laiah khatlam le khatlam karlak ih hrinhro awknak pawl le hriamhrei ruangah dai lonak, thinnatnak le thihnak pawl a cang ter. Curuangah lungrualnak le remdaihnak cu cutivek ih hrinhro nak pawl in a din thei lo ih rinhlelnak um lo in a dik mi thurelnak lawngin remdaihnak a din thei tiah a rak sim.
Cuihlei ah ralbuainak tihnung za dinhmun pakhat ah rualrem sal nak um lo mi thil tha lo pi pakhat khal ah a can thei thu ralrinnak a rak pe ih mah thawn a peh par mi pawlkom pawl hnen ralbuainak ih hliam tuarnak in remdaihnak ah kirsal thei dingah a rak dil.
Pope in doawknak pawl kham aw lo in a karh a sile a tum mi a mah tecang mi tihnung za vansiatnak pakhat a can thei thu ralrinnak a rak pek. “nasa zet ih siatsuahnak pakhat a cang thei dinhmun ton caan ah” tiah a mah in a sim ih “ buainak ih a tel tu pawl hnen donak hi sungnak ngaingai ih a thlen hlan ah cawl dingah nuncan lam thawn pehpar mi tuanvo laknak kha cohlangin tuah dingah thinlungin ka lo forhfial” tiah a rak sim.
Pope in ramtin kim in remdaihnak hawl dingah thurelnak ah thleng thei sal dingah thla a rak cam. “ramtin ram palai pawl in an tuah theinak thawn kil veng hram hai seh” mipi pawl ih thatnak ding khai sang thei hram hai she” tiah a rak sim ih kanmah pawl cu remdaihnak hrangah thlacam nak pehbet in nei dingah forhfial in a rak sim. Hi mi thu Vatican thuthangin a remcang ding zawngin kan ngan mi a si.
